“Turan Tovuz”un futbolçusu Tural Bayramlı klubundan AFFA-nın Oyunçuların Statusu və Transferi Komitəsinə şikayət etməyi planlaşdırır.

Səbəb nə olsa, yaxşıdı?! 27 yaşlı futbolçunun belə addım atmaqda məqsədi indiyə qədər daşıdığı 8 nömrəli formanın yeni transfer David Tavareşə verilməsinə etiraz etməkdi. Futbolçunun bu haldan narazı olduğu bildirilir.

“Football-plus.az”ın əldə etdiyi məlumatlara görə “Turan Tovuz”da nömrə bölgüsü hər mövsümün əvvəlində dəyişir, buna görə də hələ ki dəqiq heç nə yoxdu. Klub nömrələri maksimum dərəcədə futbolçuların arzusunu nəzərə almaqla paylayacaq.

Bütün məsələlərə toplanış zamanı aydınlıq gələcək.
Qeyd edək ki, ötən mövsümün əvvəlində komandaya qoşulan Tural biri əsas heyət olmaqla, səkkiz oyuna çıxıb.

MÜZƏFFƏR QULUZADƏ