"Turan Tovuz" daha bir transferi açıqlayıb.

“Football-plus.az” klubun mətbuat xidmətinə istinadən xəbər verir ki, ötən mövsümün ikinci hissəsini icarə əsasında "Turan Tovuz"da keçirən Fərid Yusifli ilə 3 illik müqavilə imzalanıb. 22 yaşlı yarımmüdafiəçi Tovuz təmsilçisinin heyətində 10 premyer-liqa oyununa çıxıb. O, 2021-ci ildən "Neftçi"nin üzvü idi.

Qeyd edək ki, "Turan Tovuz" bu yay Tural Bayramlı, İvan Konovalov, Sergey Samok, Kristian da Silva, Veysəl Rzayev, Rüfət Əhmədov, Araş Qadiri və İbrahim Ramazanovu da transfer edib.