“Zirə” tarixi ərzində dördüncü, ardıcıl ikinci dəfə avrokuboklarda çıxış edəcək. Əlbəttə, bunun müsbət cəhəti var. Artıq müəyyən əlaqələr yaranıb. Çünki orda Avropanın bütün ölkələrindən nümayəndələr olur. Belədə münasibətlərin qurulması asan olur. Yeni insanlar tanıyırsan. Ən önəmli məqam odu ki, qarşılaşacağın komandanın nümayəndəsi də orda olur. Söhbət, ilkin tanışlıq imkanı qazanırsan. Belə məsələlər oyunların təşkilat işlərində bir-birimizə yardım etməklə bağlı işləri asanlaşdırır. Klublararası münasibətlər qurulur. Düzü, “Aris” püşkatmada təmsil edilmədi. Ancaq klub rəsmiləriylə əlaqə üçün lazım olan məlumatar “Araz-Naxçıvan”a verilib. İnanırıq ki, bütün klublarımız avrokuboklarda uğurlu çıxış edəcək”.