“Düzdü, əslində mərasimdə mən iştirak etməliydim. Lakin komandanın formalaşdırılması prosesiylə bağlı işlər həddən artıq çox olduğuna görə İsveçrəyə yollana bilmədim. Əvəzində UEFA-nı məlumatlandırdıq və bizi etibarnamə ilə Elman Himayətoğlu təmsil etdi. Fürsətdən yararlanıb Elman bəyə təşəkkür edirəm. Hər halda, bəxtimizə güclü rəqib düşdü. Amma Konfrans Liqasında zəif görünmək istəmirik. İddialıyıq. İndiyə qədər 4 futbolçu tarsnfer etmişik. İyunun sonuna qədər kollektivin formalaşdırılması prosesini yekunlaşdırmaq istəyirik. Sonra hazırlığın əsas mərhələsinə start veriləcək. “8 nömrə” mövqeyi üçün axtarışdayıq. Komandanı ən qısa zamanda dayaq yarımmüdafiəçisiylə gücləndirmək istəyirik. Ümumiyyətlə, daha bir neçə futbolçu transfer edəcəyik. Rəqibi – “Aris”i də yaxından izləyirik. İlkin məlumatlar toplanır. Yeni transferlərini də araşdırırıq. Məşqçilərimiz çalışır. “Aris”lə danışıqlarımız da olub. Oyunların keçirilməsi və təşkilatı işlərlə bağlı müzakirə aparmışıq. Prosedur qaydaları yerinə yetirilir. Matçımız “Liv Bona Dea Arena”da keçiriləcək. Bu stadionda xeyli beynəlxalq oyun keçirilib. Digər variantlar Tofiq Bəhramov adına Respublika stadionu və “Neftçi Arena”dı. Lakin Mərdəkandakı stadion bizim üçün daha doğmadı. Məlum olduğu kimi, ev oyunlarımızı burda keçirmişik. Bu səbəbdən əsas stadion kimi UEFA-ya məhz “Liv Bona Dea Arena”nı təqdim etmişik. Onsuz da bura ölkəmizin ən təminatlı idman qurğularından biridi”.