“Football-plus.az” dünən avrokuboklarda iştirak edəcək klublarımızı püşkatma mərasimində kimlərin təmsil edəcəyi ilə bağlı xəbər yaymışdı. “Araz-Naxçıvan”la “Qarabağ”dan mərasimə kimlərin gedəcəyi dəqiqləşməmişdi.

Artıq bu klublardan da İsveçrəyə gedəcək şəxslər bəllidi. Naxçıvan təmsilçisini icraçı direktor Eldəniz Yusubov, ağdamlıları isə əməliyyatlar departamentinin rəhbəri Fərid Ağayev və beynəlxalq münasibətlər üzrə menecer Vüsal Həsənov təmsil edəcək.

Çempionlar Liqasında və Konfrans Liqasında 2-ci təsnifat mərhələsinin püşkü iyunun 18-də, Avropa Liqasında 1-ci təsnifat mərhələsinin püşkü isə iyunun 17-də atılacaq.

Xatırladaq ki, “Qarabağ” Çempionlar, “Sabah” Avropa, “Zirə” və “Araz-Naxçıvan” isə Konfrans Liqasında mübarizə aparacaq.

MÜZƏFFƏR QULUZADƏ