''Real''ın ev oyunlarını keçirdiyi ''Santyaqo Bernabeu'' stadionunun yenilənmə işlərinin tamamlanmasının ardından kluba qazandırdığı məbləğ bəlli olub.

''Marka''nın xəbərinə görə Madrid nəhənginin stadionu hazırda 1 günə kluba təxminən 1 milyon dollar qazandırır! İl ərzində isə bu məbləğ 354 milyon dollara çatır. Təbii ki, bu boyda gəlir təkcə oyun günlərinin hesabına əldə olunmur. VİP və premium oturacaqların satışı, stadiona təşkil olunan turlar, eləcə də burda futboldan əlavə böyük tədbirlərin, yəni konsertlərin, şouların və s. keçirilməsi də bu məbləğin əldə olunmasında mühüm yer tutur. ''Bernabeu'' həqiqətən də artıq çox funksiyalı mühüm bir gəlir mənbəyinə çevrilib.

Maraq üçün bildirək ki, stadion yenidənqurma işlərinə qədər kluba illik yalnız 150-170 milyon dollar gəlir qazandırırdı.