''Real'' ilə birlikdə ABŞ turnesində olan və məşqlərdəki performansı ilə diqqət çəkən Arda Gülərə deyəsən göz dəydi.

“Football-plus.az” xəbər verir ki, türkiyəli gənc ulduz sağ ayağındakı ağrılar üzündən dünən ilk dəfə komanda şəklində məşqi buraxmalı oldu. 18 yaşlı futbolçu Madrid nəhənginin tibbi personalının göstərişi ilə trenajor zalında fərdi çalışıb. Belə güman olunur ki, bu, sadəcə məşqlərin ağır tempdə keçməsi üzündən əzələlərdə yaranmış gərginlikdi. ''Real''ın digər üzvü Alvaro Odriosolada da eyni problem müşahidə olunur. Türkiyə yığmasının üzvünün neçə gün məşqlərdən kənar qalacağı barədə məlumat yoxdu.

''Blankos'' ABŞ-da ilk yoxlama oyununu iyulun 24-də, Bakı vaxtı ilə saat 06.00-da ''Milan''a qarşı keçirəcək. Ardanın bu oyunu buraxacağı gözlənilir.

ƏLİ