İspaniya yığmasının sabiq futbolçusu Tyaqo Alkantara “Barselona”ya qayıda bilər.

“Mundo Deportivo”nun məlumatına görə, baş məşqçi Hans-Diter Flik işə başladığı andan etibarən Alkantaranı məşqçi heyətinə cəlb etmək istəyib. Tyaqo baş məşqçi ilə futbolçular arasında vasitəçi rolunu oynaya bilər. 

Hazırda Alkantara Fliklə əməkdaşlığa razıdı və tərəflər əməkdaşlığın detalları üzərində danışıqlar aparırlar. Hələlik Tyaqonun hansı vəzifədə çalışacağı bəlli deyil.

Alkantara “Barselona”da 2004-13-cü illərdə çıxış edib. O, ötən mövsümün əvvəlində qısa müddətdə məşqçi təcrübəsi yığmaq üçün komandaya qayıtmışdı.