İspaniya yığması Millətlər Liqasının bu ay keçiriləcək oyunlarına ciddi itki ilə çıxacaq.

Yarımmüdafiəçi Tyaqo Alkantara zədə səbəbindən milli komandanın 4 matçını buraxacaq. “Liverpul”un 31 yaşlı yarımmüdafiəçisi artıq yığmanın düşərgəsini tərk edib. Alkantara Portuqaliya, İsveçrə və Çexiya ilə iki matçda milliyə kömək edə bilməyəcək. İspaniya mənbələri baş məşqçi Luis Enrikenin onun yerinə başqa futbolçu çağırmayacağını da xəbər verib.

Tyaqo 2021/22 mövsümündə “Liverpul”un heyətində bütün turnirlərdə 39 oyunda iştirak edib, 2 qol vurub və 5 məhsuldar ötürmə verib.