Tyaqo Alkantara “Barselona”ya qayıda bilər. “Liverpul”un yarımmüdafiəçisi ilə bağlı xəbəri sport.es portalı yayıb.

“Football-plus.az” bu mənbəyə əsasən xəbər verir ki, İspaniya klubunun rəhbərliyi 32 yaşlı futbolçunu transfer etmək variantını nəzərdən keçirir. Alkantaranın “Liverpul” ilə müqaviləsi 2024-cü ilin yayında qüvvədən düşəcək.Klubun onunla müqaviləni yeniləmək ehtimalı aşağı dəyərləndirilir. Bir müddət əvvəl “Liverpul”un qışda futbolçu ilə yolları ayırmağa hazır olduğu iddia edilmişdi. Son xəbərdə bildirilir ki, “Barselona” sabiq oyunçusu ilə bağlı vəziyyəti izləyir və Alkantara yayda azad agent olacağı təqdirdə onu sıralarına qaytarmağa hazırdı.

Xatırladaq ki, Tyaqo “Barselona”nın yetirməsidi. O, 2013-cü ildə “Bavariya”ya, 2020-ci ildə isə “Liverpul”a keçib.