Yenidən “Barselona”ya xidmət edəcək
Futbolçu karyerasını başa vuran Tyaqo Alkantara yenə “Barselona”ya xidmət edəcək.
O, bu komandanın məşqçilər korpusuna qoşulub. Kataloniya klubunun 33 yaşlı yetirməsi baş məşqçi Hans Diter Fliklə təcrübə qazanacaq və komanda ilə birlikdə ABŞ turnesinə gedəcək.
Tyaqo iyulun 7-də futbolçu karyerasını başa vurduğunu açıqlayıb. O, Çempionlar Liqasının və Klublararası Dünya Çempionatının ikiqat qalibi, yeddiqat Almaniya çempionu, dördqat İspaniya çempionudu. Onun İspaniya millisində 46 oyuna 2 qol vurduğunu da bildirək.
