“Fənərbaxça”da klub olaraq həqiqətən hər şey çox yüksək səviyyədə qurulub. Ora getməmiş Şkrtel ilə də danışmışdım. Mənə klubla bağlı nə söyləmişdisə, hamısının həqiqət olduğunu gördüm. Söhbət Türkiyədən getdiyi üçün bəziləri ora yuxarıdan aşağı baxır və dəyərsizləşdirməyə çalışır. Amma təşkilatlıq baxımından “Fənərbaxça” Türkiyədə sanki “Real” səviyyəsindədi. Düzdü, bu mövsüm çempion olmaq alınmadı. Amma ümumi götürəndə hər şey çox yüksək səviyyədədi. Məşq bazası, fanatik fanatlarla dolu stadion... İlk gündə Mourinyo paltardəyişmə otağında yanıma gəldi. Elə bir aurası var ki, onun gəldiyini dərhal hiss edirsən. Həqiqətən də mükəmməl məşqçidi. İndiyə qədər bir çox məşqçi ilə çalışmışam. Amma bu hissi ən çox Mourinyoda yaşamışam. İdman direktoru Mario Branko qışda menecerimlə əlaqə saxladı və bizə klub haqda çox şey danışdı. Gələndən sonra onun sözlərinin həqiqət olduğunu gördüm və səmimiyyətinə çox dəyər verməyə başladım. Mövsümün son matçının ardından paltardəyişmə otağında bizə “Fənərbaxça”dan ayrılacağını söylədi. Onun bu qərarı hər birimiz üçün sürpriz oldu. Avropa Liqasında 1/4 finala yüksəlməyə çox yaxın idik. “Reyncers”lə matçın əlavə vaxtında bir çox gözəl fürsəti dəyərləndirə bilmədik. Sonra da penalti seriyasında uduzduq. Həmin gecə çox üzüldüm. O cütdə evdəki matçda yol verdiyimiz səhvlər həlledici oldu. “Reyncers” bizi dəfələrlə əks-hücumda yaxaladı. Bütün qolları bu şəkildə vurdular. Daha iki qolları isə cüzi ofsayd üzündən sayılmadı. Həmin oyunda taktiki cəhətdən bərbad təsir bağışladıq. Onlar necə planlaşdırmışdısa, oyun o cür ssenaridə keçdi. İkinci oyunda artıq bizi heç nə ilə təəccübləndirə bilmədilər. Onların əks-hücumlarına hazır idik. Məncə, mərhələni keçməyə layiq idik. Gələcəyimlə bağlı heç nə deyə bilmərəm. Əvvəlcə PSJ rəhbərliyi ilə danışmalıyam. Hər halda, mənim üçün ən yaxşı variantın baş tutacağına inanıram. Ailəmi nəzərə alaraq daimi əsasda bir kluba transfer olunmaq daha yaxşı olardı. Yenidən icarədə oynamaq istəməzdim. İstər PSJ-də olsun, istərsə də başqa klubda. Daha uzunmüddətli bir layihədə yer almaq istərdim”.