Bu yay Joze Mourinyonun qərarı ilə bir sıra futbolçularla yollarını ayıran ''Fənərbaxça'' daha bir isimlə vidalaşıb.

Migel Krespo İstanbul nəhəngində ayrılıb. Amma 27 yaşlı yarımmüdafiəçi elə İstanbulda yaşamaqda davam edəcək. Çünki o, bu şəhərin digər komandası olan ''İstanbul BŞ'' ilə üçillik müqavilə imzalayıb. ''Fənərbaxça'' futbolçusunu pulsuz buraxmağa razılıq verdi və bu keçiddən heç bir məbləğ qazanmadı.

Qeyd edək ki, Mourinyonun həmyerlisi olan Krespo 2021-in sentyabrında 1,5 milyon avroya ''Estoril''dən transfer edilmişdi. Ötən mövsümün ikinci dövrəsini icarə əsasında ''Rayo Valyekano''da keçirən Krespo ''sarı-lacivərdlilər''in heyətində superliqada 56 oyuna çıxaraq 4 qol, 5 məhsuldar ötürməlik performans sərgilədi.

O, fanatların yaddaşında daha çox ''Qalatasaray''a vurduğu qolla iz buraxıb. 2021-in noyabrında ''Fənər''in səfərdə ''Qalatasaray''ı 2:1 məğlub etdiyi derbidə qələbə qolunu 94-cü dəqiqədə məhz Krespo vurmuşdu.

ƏLİ