Avstriya martda Millətlər Liqasının pley-offunda iştirak etdiyindən bu qrupda mübarizə bu ay başladı.

"Football-plus.az" xəbər verir ki, Ralf Ranqnikin komandası ilk oyunda Rumıniyanı qəbul etdi və çətin qələbə qazandı. Evdə son məğlubiyyətini 2023-ün noyabrında Almaniya ilə yoldaşlıq matçında (0:2) yaşayan Avstriyanın fanatları önündə məğlubiyyətsiz seriyası 7 oyuna çatdı (5 qələbə, 2 heç-heçə). Bosniya və Hersoqovina yığmasının isə bir top fərqli qələbələr seriyası davam edir. Martda səfərdə Rumıniyanı (1:0) və evdə Cənubi Kipri (2:1) məğlub edən bosniyalılar bu dəfə evdə San Marinonun öhdəsindən çətinliklə gəldi. 39 yaşlı Ceko hələ də yığmanın lideri və xilaskarıdı. Məhz onun 2-ci hissənin ortalarında meydana çıxandan 4 dəqiqə sonra vurduğu qol meydan sahiblərini rüsvayçılıqdan xilas etdi. Amma Sergey Barbaresin komandasının əsl gücünə və iddiasına Avstriya ilə oyunlarda aydınlıq gələcək.

4-cü tur, gözlənildiyi kimi, avstriyalılar üçün asan gəzintiyə çevrildi. Bu komanda hələ ilk yarıda San Marinonun qapısına 4 qol vurmaqla işinin öhdəsindən gəldi. İkinci hissədə san marinolular qapını toxunulmaz saxlamağı bacarsalar da, bu, heç bir prinsipial əhəmiyyət daşımadı. Buxarestdəki oyun da eyni ssenari ilə keçdi. Rumıniya Cənubi Kiprlə oyunda özünə lazım olan qolları fasilə ərəfəsində vurdu. İkinci hissədə isə azarkeşlər qol görmədi. Rumınlar xalını 6-ya çatdırmaqla qrupda vəziyyətini bir qədər yaxşılaşdırdı. Amma bu komanda Bosniya və Avstriya ilə müqayisədə daha çox oyun keçirdiyindən hələ ki ilk “2-liy”ə düşmək baxımından işi daha çətin görünür.

H qrupu
3-cü tur
Avstriya – Rumıniya 2:1 (1:0)
Avstriya: Pents, Vöber (Danso, 69), Linhart, Mvene, Vimmer (Poş, 60), Zabitser, Şmid (Qrillitş, 81), Baumqartner (Şlager, 81), Zayvald, Laymer, Qreqoritş (Arnautoviç, 60).
Rumıniya: Moldovan, Ratsiu, Popesku, Banku, Burke, Marin (Şut, 60), Man (Mikulesku, 78), Stançiu (Tenase, 84), Kirikeş, Draquş (Mitritse, 84), Birlica (Alibek, 78).
Qollar: Qreqoritş, 42 (1:0). Zabitser, 60 (2:0). Tenase, 90+4 (2:1).
Vərəqələr: Stançiu, 44. Qrillitş, 90 – sarı.
Hakim: Mauritsio Mariani (İtaliya). 
7 iyun. Vyana. 48500 tamaşaçı. 

Bosniya və Herseqovina – San Marino 1:0 (0:0)
Bosniya və Herseqovina: Vasili, Maliç (Dediç, 46), Katiç (Biçakçiç, 84), Barişiç (Muharemoviç, 46), Burniç, Sunyiç, Hayradinoviç, Tahiroviç, Qiqoviç (Memiç, 46), Demiroviç, Bazdar (Ceko, 62).
San Marino: Kolombo, Fabbri, Sevoli, T.Benvenuti, Rikkardi (Mularoni, 70), Qolinuççi, Zannoni, Kapiççioni (Valli Kasadei, 46), Kontadini (C.Benvenuti, 70), Latsari (Sensoli, 65), Nanni (Cakopetti, 69).
Qol: Ceko, 66.
Vərəqələr: Kolombo, 60. Dediç, 74. Fabbri, 74 – sarı.
Hakim: Luis Migel Qodinyo (Portuqaliya). 
7 iyun. Zenitsa. 11828 tamaşaçı. 

4-cü tur
San Marino – Avstriya 0:4 (0:4)
San Marino: Kolombo, C.Benvenuti, T.Benvenuti, Rikkardi, Qolinuççi, Zannoni (Mularoni, 72), L.Kapiççioni (Valli Kasadei, 63), Kontadini (Sensoli, 22), Latsari (Q.Kapiççioni, 72), Nanni (Cakopetti, 72).
Avstriya: Pents (Laval, 46), Fridl, Linhart (Kverfeld, 46), Poş, Honsak, Zayvald, Laymer (Şmid, 46), Baumqartner (Qrüll, 63), Zabitser, Qreqoritş (Ballo, 46), Arnautoviç.
Qollar: Arnautoviç, 3 (0:1). Qreqoritş, 11 (0:2). Arnautoviç, 15 (0:3). Baumqartner, 27 (0:4).
Arnautoviç 85-ci dəqiqədə penaltidən yararlana bilməyib (yan). 
Vərəqələr: Ballo, 59. Poş, 66. Rikkardi, 74 – sarı.
Hakim: Ondrjey Berka (Çexiya). 
10 iyun. San Marino. 3075 tamaşaçı 

Rumıniya – Cənubi Kipr 2:0 (2:0)
Rumıniya: Moldovan, Ratsiu, Popesku, Burke (Gita, 73), Soresku, Şut, Kirikeş (Marin, 56), Mihaila (Mitritse, 56), Man (Mikulesku, 82), Draquş, Tenase (Alibek, 73).
Cənubi Kipr: Mall, Satsias, Sielis, Laifis, Malekkidis, Kastanos, Kiriaku (Artimatas, 81), Kosti (Xaralampus, 46), Korrea (Tzionis, 62), Loizu (İlia, 46), Kakullis (Kutsakos, 46).
Qollar: Tenase, 43 (1:0). Man, 45+2 (2:0). 
Vərəqələr: Kastanos, 25. Tenase, 26. Satsias, 65 – sarı. 
Hakim: Donatas Rumşas (Litva).
10 iyun. Buxarest. 45324 tamaşaçı. 

1. Bosniya və H. 3 3 0 0 4-1 9
2. Avstriya 2 2 0 0 6-1 6
3. Rumıniya 4 2 0 2 8-4 6
4. Cənubi Kipr 3 1 0 2 3-4 3
5. San Marino 4 0 0 4 1-12 0

6 sentyabr: Avstriya – Cənubi Kipr, San Marino – Bosniya və Hersoqovina.