Bruno Fernandeş hazırkı klubuna sadiq qalıb.

"Football-plus.az" xəbər verir ki, “Mançester Yunayted”in kapitanı Səudiyyə Ərəbistanı “Əl-Hilal”ının təklifini rədd edib.

Bu barədə insayder Fabritsio Romano məlumat yayıb. Səudiyyə Ərəbistanı klubu yarımmüdafiəçiyə yüksək maaşla müqavilə təklif etmişdi. Buna baxmayaraq, Bruno karyerasını Avropada davam etdirmək istəyir. O, artıq məsələ ilə bağlı yekun qərarını verib.

Fernandeş ötən mövsüm bütün turnirlərdə 57 oyun keçirib, 19 qol vurub və 20 məhsuldar ötürmə verib. Onun MY ilə müqaviləsinin müddəti 2027-ci ilin yayına qədər nəzərdə tutulub.