''Bayya''ya artıq bu qış qayıda bilərdim. Amma ''Fənərbaxça''ya və klub prezidentinə artıq söz vermişdim. Bu transfer bütün Türkiyənin diqqət mərkəzində idi. Çünki Türkiyədə bir dönəm rəqib komandada da oynamışdım. Ona görə də verdiyim sözün üstündə durdum. ''Fənər''lə ilyarımlıq müqavilə imzalamışam. Yəni artıq 6 aydan sonra istədiyim klubla ilkin anlaşma əldə edə bilərəm. Ancaq bu, təkcə mənnən asılı deyil. İstənilən halda bu, mənim üçün mühüm bir dönüş olardı. Ancaq futbolçular adətən 31-32 yaşda vətənə qayıtmır. Qışda ''Əl-Nəssr'' ilə qarşılıqlı anlaşaraq vidalaşdım. Həmin vaxt ''Bayya''nın idman direktoru Kadu Santoro ilə görüşüm oldu. O mənim menecerimlə də tez-tez söhbətləşir. Həmin vaxt bəzi məqamları müzakirə etdik. Çünki karyeramda hələ çatmaq istədiyim bir çox hədəf var. Düzdü, bunlara ''Bayya''da da çata bilərəm. Həm də 15 ildi, vətəndən kənarda oynayıram. Bu da geri qayıtmaq istəməyimin səbəblərindən biridi. ''Bayya'' əvvəlki illərlə müqayisədə dəyişib və böyüyüb. Orda hər şey yaxşı səviyyədə təşkil olunub və fikrimcə, artıq məni geri qaytarmağa hazırdılar''. Məhz bu sözlər ''Fənər'' fanatları tərəfindən birmənalı qarşılanmayıb. Klubun azarkeş səhifələrindən biri buna aid paylaşım edərək Talişkanın ayrılmaq istədiyinə işarə vurub.''Sambaçı'' isə təmbəllik etməyərək buna cavab verib. Özü də ardıcıl iki paylaşımla! İlk paylaşımda o ''mən hələ başlamamışam, amma indidən belə sözlər eşidirəm. Bu cür hörmətsizlik heç bir çərçivəyə sığmır'' sözlərini yazıbsa, ikinci paylaşımında ''Türkiyə çempionatına hörmət etməyən bir nəfər mənə futbolu öyrədən bir klub haqda bu cür sözlər dediyimə görə belə bir xəbər ortaya çıxarıb''