''Yığmanın heyətində meydana çıxdıqda oyunun yoldaşlıq və ya rəsmi xarakter daşıması ciddi önəm kəsb etmir. Biz hər zaman meydanda ən yaxşı oyunumuzu sərgiləməyə çalışırıq. Oyun bir qədər gözlədiyimizdən gərgin keçdi. Meksikalılar çox gərgin idi və biz də onlara eyni şəkildə qarşılıq verdik. Mövsüm bitdikdən sonra toplanış keçmək psixoloji cəhətdən çətin olur. Amma dediyim kimi yığma komandada hər kəs əlindən gələni edir. Bu iki oyun, burda keçirdiyimiz məşqlər bizim üçün çox böyük təcrübə oldu. Əziz Sancar çox dəyərli insandı. Onu görə bilmək bizi çox sevindirdi. Onunla söhbət etdikdə belə tüklərimiz biz-biz oldu. Bu cür insanları görmək bizim üçün əsil ilham qaynağıdı. Onun öz vəqfi var. Biz də komanda olaraq həmin vəqfə xeyir verməyə çalışacağıq. Bu cür insanı şəxsən tanımaq fürsəti əldə etdiyim üçün sevincliyəm. Əziz Sancar həm də düzgün türkçüdü və millətini çox sevən insandı. ''Bozqurd'' işarəsi ilə şəkil çəkdirməyimizi özü məndən istədi. Bizim gənc və istedadlı komandamız var. Orta yaş həddimiz aşağıdı. Millətimizin qürur duyduğu bir yığma komandamız var. Bunu davam etdirmək istəyirik. İnşallah yığma komanda ilə qazanacağımız əsas uğurlar hələ irəlidədi''.