''Beşiktaş''ın gənc ulduzu Semih Kılıçsoya Avropa klublarının marağı davam edir. Amma İstanbul nəhəngi əsasən ''böyük beşlik'' ölkələrindən bahalı təkliflər gözləyərkən, Niderlanddan sürpriz bir təklif gəlib.

"Football-plus.az" xəbər verir ki, ''Utrext'' Türkiyə yığmasının üzvünə görə ''qartal''ın rəsmən ''qapısını döyüb''.

Yağız Sabuncuoğlunun xəbərinə görə erediviziya təmsilçisi Semihi birilliyə icarəyə götürmək istədiyini bildirib. ''Utrext'' istedadlı futbolçunu 10 milyon avroya daimi əsasda transfer edə bilmək maddəsini də müqaviləyə saldırmaq istəyib. Bundan başqa ''Beşiktaş''a sonrakı satışdan 20 faiz pay da təklif olunub. Amma bu şərtlər ''ağ-qaralar''ı qane etməyib.

''Bein Sports''un məlumatına görə ''Beşiktaş'' çox düşünmədən təklifi geri çevirib. 19 yaşlı futbolçu geridə qoyduğumuz mövsümdə 46 rəsmi oyunda forma geyərək 4 qol, 6 məhsuldar ötürməlik performans sərgiləyib.

''Transfermarkt''a inansaq, 19 yaşlı futbolçunun transfer dəyəri 14 milyon avrodu.