Rafael Leao böyük ehtimalla klubunu bu yay dəyişəcək.

"Football-plus.az" xəbər verir ki, “Milan” futbolçunu satmağa hazırdı. “Kicker”in məlumatına görə, İtaliya klubu artıq 25 yaşlı hücumçuya qiymət də qoyub. “Milan” Leaonu 130 milyon avro dəyərində qiymətləndirir.

Onun müqaviləsində 175 milyon avroluq satın alma şərti var. Danışıqlardan asılı olaraq, bu şərt üzrə güzəştə gedilməsi mümkündü.

Portuqaliyalı oyunçu ilə “Bavariya” yaxından maraqlanır. Rafael son mövsüm bütün turnirlərdə 50 oyun keçirib, 12 qol vurub və 13 məhsuldar ötürmə edib.