“Klubların maliyyə xərcləri açıqlandı. “Neftçi” üçün fiaskodu. Bu klubda rəhbər dəyişikliyi etmək lazımdı. Məşqçiləri dəyişməklə əmələ gəlmir. Transfer siyasəti düzgün deyil. Hamı səhv edə bilər. Gətirdiyin 10 futbolçunun ikisi uğursuz çıxış edə bilər. Gətirəndə fikirləşmək lazımdı. Transfer siyasəti şəffaf aparılmalıdı. Səhvləri heç kim dzəltmək istəmir. Şişirdilmiş rəqəmlər yazmamalıdılar. Onlar öz xoşbəxtliyini klubun bədbəxtliyində axtarırlar. Komandaya can yandırmaq lazımdı. Flaqmandan əsər-əlamət qalmayıb. Hər dəqiqə oyunçu transfer edirlər. Bəlkə yeni gələn məşqçi onu oynatmayacaq. Klubun transfer siyasəti burdan bəllidi. Bu qədər məşqçi pis ola bilməz. Rəhbərlik düzgün işləmir. Düz çalışmaq üçün də vicdan lazımdı. Necə düzələcəyini bilmirəm. SSRİ vaxtı vertolyotdan ağ vərəq tullayırdılar. Deyirdilər ki, bəs burada nəsə yazılmayıb. Cavabında söyləyirdilər ki, burda nəsə yazmağa ehtiyac var? Hamı hər şeyi bilir. Kiminsə nəsə deməyini gözləyirlər. Pozitiv danışmağa heç nə yoxdu. Avrokuboklarda mübarizə aparacaq klublara uğurlar arzulayıram. Ölkə futbolunun ən yaxşısı “Neftçi” olub. Bu komandanın Avropa arenasından kənarda qalması futbol ictimaiyyətini üzür. Deməli, işlər düz getmir. Belə maliyyənin qarşısında 6-cı yeri tuturlar. “Neftçi” bizim çempionata uyğun olan futbolçular seçməyi bacarmır”.