Azərbaycanda ölkə kuboku istisna olmaqla, qalan futbol yarışlarında mövsüm başa çatdı.

Növbəti "futbol ili"ndə həm premyer-liqada, həm də 1-ci və 2-ci liqada iştirak edən bütün komandaların adına aydınlıq gəldi. İş ondadı ki, 2-ci liqa ilə bağlı cavabsız sual qalıb.

Durumu ətraflı izah edək. Belə ki, bu çempionatı ilk üç yerdə bitirən komandalar, müvafiq olaraq, "Şahdağ Qusar", "Şəfa" və "Şimal" AFFA İcraiyyə Komitəsinin fevralın 19-da keçirilən iclasında verilən qərara əsasən, birbaşa 1-ci liqaya yüksəldi. "Hypers Quba" "Difai"yə qarşı keçirdiyi pley-off matçında uduzduğundan (1:3) 2-ci liqada qaldı. Çempionatı sonuncu sırada başa vuran "Füzuli" Region Liqasına düşdüsə, Region Liqasının ikincisi olan "Şirvan" pley-off oyununda mövsümü 13-cü sırada bitirən "Lerik"i məğlub etməklə (3:2) 2-ci liqaya yüksəldi. Həmçinin Region Liqasının qalibi olan "Xankəndi" və 1-ci liqanı sonuncu pillədə bitirən "Qaradağ Lökbatan" növbəti mövsüm 2-ci liqada çıxış edəcək.

Beləliklə, sözügedən çempionatı tərk edən komandaların sayı 5, yeni gələnlərin sayı 3 oldu. Bu o deməkdi ki, hazırda 2-ci liqa üçün 2024/25 mövsümündə olduğu kimi 14 yox, 12 komanda var. Üstəlik "Qaradağ Lökbatan"la "Ağdaş"ın varlığını davam etdirib-etdirməyəcəyi sual altındadı.

Belədə çempionatın növbəti mövsüm üçün təşkili prosesi necə tənzimlənəcək? Ümumiyyətlə, PFL-in komanda sayı ilə bağlı hansısa planı varmı? Bu sualları qurumun Media və marketinq direktoru Sənan Abdullayevə ünvanladıq. Onun "Football-plus.az"a cavabı: