“Bəli, hazırda çempionatda dördüncü yerdəyik. Düzü, əvvəl hədəfimiz mövsümü ilk “3-lük”də bitirmək idi. Ağır itkilərimiz, cəzalılarımız və zədəli futbolçularımız oldu. Şükürlər olsun ki, yenidən öz mövqeyimizə qayıtdıq. “Şəmkir”lə aradakı xal fərqini bilirik. Qarşıda üç oyun var. Çempionat elə həddə çatıb ki, ilk “4-lük” və liqada qalmaq uğrunda mübarizə aparan komandalar var. Ona görə də sonuncu oyunlar çox ağır keçir. Hər bir rəqibə qarşı çox ciddi hazırlaşırıq. İnşallah, son oyunlarda maksimum nəticələr əldə edib, ilk “4-lük”dəki yerimizi qoruyacağıq. Ardından 1-ci liqada 9-cu yerdə qərarlaşan komanda ilə pley-off oyunu var. Komandama inanıram. Hər şey qaydasındadı, toparlanmışıq”.