Nol de Ruyter vəfat edib.

"Football-plus.az" xəbər verir ki, sabiq niderlandlı mütəxəssis mayın 21-də 85 yaşında dünyasını dəyişib.

Futbolçu karyerası ərzində DOS (1960-63), “Elinviyk” (1963-64) və “Veloks” (1964-65) klublarında çıxış edən sabiq müdafiəçinin peşəkar futbolçu karyerası ağır zədə səbəbindən yalnız 5 il çəkib.

1974-cü ildə “Den Boş”da məşqçilik kaeryerasına başlayıb. Bu komandaya iki il başçılıq edən De Ruyter “Kambyur”, “Vaqeningen”, SVV, “Veendam” və “Utrext”i çalışdırandan sonra Niderland yığmasının məşqçi korpusuna daxil edilib. Milli komandada baş məşqçi Rinus Mixelsin köməkçisi kimi AÇ-1988-in çempionu olub.

Xatırladaq ki, “narıncılar” Almaniyada təşkil edilən turnirin finalında sabiq SSRİ yığmasına 2:0 hesabıyla qalib gəliblər. Bu, Niderland yığmasının tarixində qazandığı yeganə tituldu.

De Ruyter milli komandanı tərk edəndən sonra “Den Haaq”a, Misir yığmasına və yenidən “Utrext”ə başçılıq edib.