“Ayaks”ın və Konqo Demokratik Respublikasının sabiq oyunçusu Codi Lukoki vəfat edib.

O, 29 yaşında dünyasını dəyişib. Futbolçunun ölüm səbəbi açıqlanmır. Onun sonuncu klubu sıralarına ötən yay qoşulduğu “Tvente” idi. Lakin Codi zədə səbəbindən bu komandada bir matçda belə iştirak etməmişdi. Lukoki “Ayaks”ın yetirməsi idi. 2011-ci ildə əsas komandada debüt edən yarımmüdafiəçi amsterdamlılarla üç dəfə Niderland çempionluğunu qazanmışdı.

2013-cü ildə “Kambyur”a keçən Codi daha sonra “Zvolle”, “Ludoqorets” və “Yeni Malatyaspor”da top qovmuşdu. “Tvente” rəhbərliyinin fevralda sevgilisini döyməkdə ittiham olunduğu üçün onunla müqaviləni pozduğunu da qeyd edək.