İspaniya futboluna ağır itki üz verib.

"Football-plus.az" xəbər verir ki, Luis Suares vəfat edib.

O, iyulun 9-da 88 yaşında dünyasını dəyişib. Mərhumun yaxınlarına başsağlığı verən İspaniya Futbol Federasiyası futbol veteranının ölüm səbəbinə aydınlıq gətirməyib. Suares futbolçu karyerasını “Deportivo” (1953-54), “Kondal” (1954-55), “Barselona” (1955-61), “İnter” (1961-70) və “Sampdoriya”da (1970-73) keçirib. Sabiq yarımmüdafiəçi iki dəfə İspaniya, üç dəfə İtaliya çempionu olub, “İnter” ilə iki dəfə Çempionlar Kubokunun və iki dəfə Qətələrarası Kubokun qalibi olub. 1960-cı ildə “Qızıl top”u qazanan Suares 1957-72-ci illərdə çıxış etdiyi İspaniya yığmasında 32 oyuna 14 qol vurub. Milli komanda ilə 1964-cü ildə keçirilən Avropa çempionatının qalibi olub.

O, futbolçu karyerasını başa vurduğu 1973-cü ildə məşqçilik fəaliyyətinə başlayıb. “Cenoa” (əvəzedici komanda), “İnter”, “Kalyari”, SPAL, “Komo”, “Deportivo”, “Albasete” klublarını, İspaniyanın U-21 və əsas yığmasını çalışdırıb.