Məhəmməd Salah İngiltərə premyer-liqasında daha bir diqqətəlayiq göstəricinin müəllifi olub.

"Football-plus.az" xəbər verir ki, “Liverpul”un futbolçusu bu liqada 300-cü matçına çıxıb. Misirli hücumçunun yubiley matçı 37-ci turun “Brayton”la oyununa (2:3) təsadüf edib.

Afrika qitəsindən Salahdan əvvəl üç futbolçu premyer-liqada 300 oyun həddini keçib. Kolo Ture (Kot d’İvuar, 353 matç), Vilfrid Zaha (Kot d’İvuar, 305 matç) və Cordan Ayyu (Qana, 303 matç) daha əvvəl premyer-liqada 300-dən çox oyuna çıxıb.

Məhəmməd “Liverpul”da 2017-ci ildən çıxış edir. O, daha əvvəl bu liqada “Çelsi”də (2014-16) oynayıb.