Məhəmməd Salah premyer-liqada rekorda imza atıb.

"Football-plus.az" xəbər verir ki, “Liverpul”un hücumçusu buna 18-ci turun “Arsenal”la matçında (1:1) hesabı bərabərləşdirməklə nail olub. Bu, misirli futbolçunun London klubunun qapısına vurduğu 10-cu qoldu. Nəticədə Salah premyer-liqa tarixində “Arsenal”, “Mançester Siti” (11 qol) və “Mançester Yunayted”ə (12 qol) 10 və daha çox qol vuran yeganə oyunçu olub.

Salah 150 qol vuran “Mançester Yunayted”in sabiq oyunçusu Maykl Ouenini arxada qoyaraq İngiltərə premyer-liqasının ən yaxşı 10 bombardiri siyahısına daxil olub. Salah indiyədək İngiltərə çempionatında 151 qol vurub.