Misli premyer-liqasının 34-cü turunun “Sumqayıt” – “Turan Tovuz” oyunu bir neçə səbəbdən yadda qaldı. Bu dəfə əvvəlki oyunlara baxanda tribunalarda qələbəlik idi. Protokolda Mehdi Hüseynzadə adına şəhər stadionunda 3500 azarkeşin olduğu yazılıb.

Bu, son aylarda “Sumqayıt”ın ev oyunlarında qeydə alınan ən yüksək tamaşaçı sayıdı. Təbii ki, stadiona girişin sərbəst olması azarkeş sayının artmasında əsas rolu oynayıb. Müqayisə üçün “Sumqayıt”ın əvvəlki 4 ev oyununda azarkeş sayına baxaq: 32-ci tur - 1400 azarkeş, 30-cu tur - 1000 azarkeş, 28-ci tur - 1000 azarkeş, 26-cı tur - 800 azarkeş.

Göründüyü kimi, “Sumqayıt”ın son dörd ev oyununda tamaşaçı sayı 1400-ü keçməmişdi. Aydın məsələdi ki, girişin hər dəfə pulsuz olması klubun maraqları baxımından mümkün deyil. Reallıq ortadadı: azarkeş pulsuz tamaşa istəyir!

ƏSƏD SEYİDOV