Stadion dəyişdi, “Sumqayıt” 150 azarkeş qazandı

“Sumqayıt”ın "Kapital Bank Arena"da keçirdiyi oyunlar, adətən, anşlaqla müşayiət olunurdu.

Bu üzdən komanda yenilənmiş Mehdi Hüseynzadə adına şəhər stadionuna köçəndə azarkeş sayında da ciddi artım gözlənilirdi. Amma ümidlər doğrulmadı. “Neftçi” ilə açılış oyununu çıxsaq, faktiki hər iki stadiona baş çəkən azarkeş sayı aşağı-yuxarı eynidi. Məsələn, 11-ci turun “Sumqayıt” – “Qəbələ” oyununu 1350, 27-ci turun “Sumqayıt” – “Sabah” oyununu 1500 tamaşaçı izləyib. “Football-plus.az” “Sumqayıt”ın cari mövsümdə keçirdiyi ev oyunlarının azarkeş statistikasını təqdim və sual edir: cəmi 150 azarkeşə görə bu boyda xərc çəkməyə dəyərdimi?

“Kapital Bank Arena”da keçirilən oyunlar

2-ci tur. Sumqayıt - Sabah 1:0. 1300 tamaşaçı

5-ci tur. Sumqayıt - Neftçi 0:1. 1326 tamaşaçı

7-ci tur. Sumqayıt – Turan Tovuz 0:0. 1300 tamaşaçı

9-cu tur. Sumqayıt - Kəpəz 1:0. 1350 tamaşaçı

11-ci tur. Sumqayıt - Qəbələ 0:0. 1350 tamaşaçı

12-ci tur. Sumqayıt - Araz Naxçıvan 2:0. 1310 tamaşaçı

14-cü tur. Sumqayıt - Zirə 0:0. 1300 tamaşaçı

16-cı tur. Sumqayıt - Qarabağ 1:6. 1300 tamaşaçı

18-ci tur. Sumqayıt - Səbail 1:0. 1300 tamaşaçı



Mehdi Hüseynzadə adına stadionda keçirilən oyunlar

21-ci tur. Sumqayıt - Neftçi 2:1. 8100 tamaşaçı

23-cü tur. Sumqayıt – Turan Tovuz 0:0. 1480 tamaşaçı

25-ci tur. Sumqayıt - Kəpəz 1:3. 800 tamaşaçı

27-ci tur. Sumqayıt Sabah 1:2. 1500 tamaşaçı

GÜNAY SÜLEYMANOVA