“İnter Mayami”nin yeni təklifini qəbul etdi
Xordi Alba klubunun yeni təklifini qəbul edib. O, “İnter Mayami” ilə müqaviləsini yeniləyib.
ABŞ klubunun mətbuat xidmətinin məlumatına görə, 36 yaşlı müdafiəçi ilə imzalanan sözləşmənin müddəti 2027-ci ilin sonuna qədər nəzərdə tutulub.
Alba “İnter Mayami”yə 2023-cü ilin yayında qoşulub. Ötən müddət ərzində bütün turnirlərdə 68 oyunda iştirak edib, 8 qol vurub və 20 məhsuldar ötürmə verib.
İspaniyalı futbolçu klub saytına belə açıqlama verib:
“Müqaviləni yenilədiyimə görə çox şadam, çünki rəqabətə davam etmək istəyim var. Eyni zamanda bu klubda özümü evimdəki kimi hiss edirəm - bunun əsas səbəbi hər oyunda azarkeşlərdən aldığım sevgidi. Uğur qazanmağa davam etmək istəyindəyəm və ümid edirəm ki, mümkün qədər çox titul qazanacağıq”.
Digər xəbərlər
