Erlinq Holann bir ildən sonra klubunu dəyişə bilər.
“Barselona” rəhbərliyi “Mançester Siti”nin hücumçusunu transfer etməyi planlaşdırır.

“El Nacional”ın məlumatına görə, İspaniya klubu onu 2026-cı ilin yayında heyətinə qatmaq üçün planlar qurur. “Barselona” rəhbərliyi artıq 175 milyon avro toplamaq üzərində işləyir. Bu, Holannın müqaviləsində nəzərdə tutulan, 2026-cı ilin yayında aktivləşdirilə bilən sərbəst qalma şərtinin məbləğidi.

Futbolçunun MS ilə müqaviləsinin müddəti 2034-cü ilə qədərdi. Maraqlıdı ki, bəzi analitiklər satın alma maddəsinin mövcudluğunun şübhəli olduğunu düşünürlər.

Bununla belə, “El Nacional” belə bir bəndin mövcud olduğunu və “Barselona”nın həmin bənddən istifadə etməyi qərara aldığını yazıb.

Məlumatda o da bildirilir ki, İspaniya klubunun maddi durumu vəziyyəti mürəkkəbləşdirir.