“Arda ''Eyüpspor''da böyük işlər görür. ''Şaxtyor''un təklifi yeni deyil. Mənə belə bir təklif aldığını hələ iftar yeməyində açıqlamışdı. Donetsk klubunun onunla bağlı ciddi planları var. Ardaya düşünmədən bu təklifi qəbul etməyi məsləhət gördüm. ''Şaxtyor'' elə-belə klub deyil. Avropanın önəmli klublarından biridi. Bu, Ardanın karyerası baxımından da çox ciddi addım ola bilər. Bir də gördün, sonra ''Atletiko''nun başına keçdi. Çünki ''Atletiko'' da onu diqqətlə təqib edir. ''Qalatasaray''ın Bernardo Silva və De Bruyne kimi önəmli isimlərə maraq göstərdiyini bilirəm. Bernardonun keçidi çox çətin məsələdi. Çünki onu bir çox klub heyətində görmək istəyər. De Bruynenin gəlməsini istərdim. Kluba böyük faydası dəyərdi. Osimhen təbii ki, komandaya bu mövsüm önəmli xallar qazandırdı. Amma onun ətrafındakı isimlər də güclü oyun sərgilədi. ''Qalatasaray'' komanda şəklində güclüdü. Osimheni 70 milyon avroya alıb Çempionlar Liqasında uğur qazana bilsələr, onu sonradan 100 milyon avroya da satmaq olar. Amma Osimheni almaq mümkün olmasa, ''Qalatasaray'' ÇL üçün İkardinin yanına iki dünya səviyyəli ulduz almalıdı. Hakan Çalhanoğlu hazırda dünyanın ən yaxşı mərkəz yarımmüdafiəçilərindən biridi. Mükəmməl oynayır. ''Barselona''ya qarşı yarımfinaldan sonra onunla telefonda danışdım. Münhendəki finala mən də getməyi planlaşdırıram. İlkay Gündoğan da, Hakan da bir gün mütləq ''Qalatasaray''da oynayacaq. Buna ürəkdən inanıram. İkisi də ''Qalatasaray''ı çox sevir. Həm İlkay, həm də Hakan Avropada ''Qalatasaray''a gəlmək ehtimalı olan futbolçulara klubla bağlı önəmli məsləhətlər verir. İkisi də ''Qalatasaray'' azarkeşi olduğunu heç vaxt gizlətməyib”