“Adətən, başqa məşqçilər haqda danışmamağa üstünlük verirəm. Amma “Qalatasaray” mənim doğma camiəmdi. Okan Buruka çox güvənirik. İnsani keyfiyyətlərə dəyər verən məşqçidi. Bu, bir məşqçi üçün önəmli keyfiyyətdi. Çünki oyunçular onlara insan gözü ilə baxılmasını istəyir. Ötən mövsüm bizə yaşatdıqlarına görə ona təşəkkür edirəm. Yeni mövsümdə də ondan çox şey gözləyirik və bütün qəlbimizlə dəstəkləyirik. Fatih Terim futbolla yaşayan insandı. Futbolun içində olanda xoşbəxt olur.

Düzdü, onun da bəzən istirahətə ehtiyacı olur. Amma bu cür məşqçinin uzun müddətdi futboldan kənar qalması narahatlıq doğuran məqamdı. Bir də insanların onu yalnız güclü motivator kimi tanıması xoşuma gəlmir. Motivasiya qabiliyyəti onun bəlkə də ən son özəlliyidi. Mən də daxil olmaqla bir çox futbolçunun üzərində böyük əməyi var. Məşqçilikdə onun qazandığı uğurların, heç olmasa, yarısını qazana bilsəm, karyeramdan razı qalacam. Fikrimcə, futbolçu kimi Türkiyə futbolunun tarixində bir çox şeyi dəyişdim. Məşqçi kimi də belə arzularım var. “Qalatasaray” uşaqlıq sevgimdi və həmişə qəlbimdədi. Bir çox fədakarlıqlar etsəm də, bəzən bu, fərqli qələmə verildi. İnsan hər zaman sevgisinə qovuşmağa çalışır. Təbii ki, bir gün “Qalatasaray”ın baş məşqçisi olmaq arzum var. Amma bu camiədə yetişmiş daha bir isim olan Okan Buruk işinin öhdəsindən əla gəlir. Biz isə zamanımızı gözləyərək özümüzü buna hazırlaşdıracağıq. Arda Gülər futbolumuz üçün çox dəyərli olan bir qardaşımızdı. “Fənərbaxça”ya belə bir oyunçu yetişdirdiyinə görə təşəkkür etməliyik. Ardaya karyerasının yeni mərhələsində və həyatında uğurlar arzulayıram. İnanıram ki, məni də geridə qoyacaq və dünyanın ən yaxşı oyunçularından birinə çevriləcək”.