''Arda Gülərin son oyununda bir epizod diqqətimi çəkdi. Arda zərbə vurduqdan sonra Vinisius ilə Mbappe ona narazılığını bildirdi. Artıq bundan sonra onun ''Real''da işi çox çətindi. Zatən çox oynamır. Üstəlik özünəinamı da əlindən alınıb. Klub sevgisini bir kənara qoyaraq deyirəm ki, məncə, ''Qalatasaray''ın Ardaya, Ardanın da ''Qalatasaray''a ehtiyacı var. ''Fənərbaxça''da o mövqedə Talişka oynayır. ''Beşiktaş'' isə hələ komanda kimi tam formalaşmayıb. Ona görə də ən yaxşı variant ''Qalatasaray''dı. Mertens mövsümün sonunda ayrılacaq və oyun qurucusu mövqeyində boşluq yaranacaq. Daimi əsasda olmasa da, bu keçid icarə əsasında baş tuta bilər. ''Qalatasaray'' fanatları da məncə, Ardaya dəstək verər. Bunun sayəsində özünəinamı da bərpa olar. Mertens ayrıldıqdan sonra Ahmed Kutucu o mövqedə oynaya bilməz. Yəni ''Qalatasaray'' həqiqətən də Arda kimi futbolçuya ehtiyac duyur''.