''Beşiktaş'' öz yetirməsini 5 milyon avroya satacaq
''Beşiktaş'' prezidenti Sərdal Adalı keçirdiyi mətbuat konfransında önəmli açıqlamalar verib.
"Football-plus.az" xəbər verir ki, o, mövsümün əvvəlində ''Riu Ave''yə icarəyə verilən öz yetirmələri, gənc və istedadlı futbolçu Dəmir Ege Tıknazın bu kluba 5 milyon avroya daimi əsasda satılacağını bildirib:
''Riu Ave'' bizə Dəmir Egeni transfer etmək istədiklərini bildirib. 5 milyon avroya alıb dərhal baha qiymətə başqa kluba satacaqlar. Amma bizim 5 milyon avroluq gəlirimiz olacaq. Elan Rikardodan ümidimi kəsməmişəm. Lazım olsa, yayda İstanbul klublarından birinə icarəyə verəcəyik. Ən azı gələn mövsümü ikinci dövrəsində nəyə qadir olduğunu hər kəs görəcək. Onun transferi üçün az qala ''Atletiko'' ilə dalaşdıq. Gəldiyindən bəri başına gəlməyən hadisə qalmadı. Necə oyunçu olduğunu görəcəksiz. ''Benfika'' ilə Fernandeşin 50 faizlik payı məsələsində anlaşmadan onu heç yerə satmayacam. ''Benfika'' ilə danışıqlar davam edir. Onlara dedim ki, lap lazım gəlsə, Fernandeşin müqaviləsini yeniləyərik və belədə sizin əlinizə heçnə keçməyəcək. Sörlotun transferi xəyaldan başqa bir şey deyil. 27 milyon avro verib Sörlotu almaqdansa, 60 milyon avro verib Osimheni alaram. Bu işlər pulun başındadı''.
Qeyd edək ki, bu mövsüm ''Riu Ave''də 31 rəsmi oyunda 2 qol, 2 məhsuldar ötürməlik performans sərgiləyən və artıq Türkiyə yığmasına da dəvət almağa başlayan Dəmir Ege Tıknaz ''Beşiktaş''ın son 3 ildə Avropa klubuna satdığı 3-cü yetirməsi olacaq.
2022-də Rıdvan Yılmaz 4 milyon avroya ''Reyncers''ə, ondan bir müddət sonra da Əmirhan İlkhan 4,9 milyon avroya ''Torino''ya transfer olunmuşdu. ''Riu Ave''nin bu yay 5 milyon avro ödədikdən sonra Dəmir Egeni 10 milyon avroya satacağı gözlənilir.
Digər xəbərlər
