Yeni ildən öncə Erik Bayi ilə vidalaşan “Beşiktaş” daha bir futbolçu ilə yollarını ayırıb.

“Football-plus.az” xəbər verir ki, Jan Onana “Marsel”ə icarəyə verilib. Əslində “Beşiktaş”ın bu futbolçudan qurtulduğunu söyləmək daha düzgün olar. Onana ötən yay “Lans”dan 4 milyon avroya transfer edilmişdi. Onun illik qazancı 2 milyon avroya yaxın idi. Fanatlar kamerunludan çox şey gözləsə də, ilk oyunlardan onun “Beşiktaş”ın səviyyəsinə uyğun olmadığı məlum olmuşdu. Dekabrın əvvəllərində Onana daha 5 futbolçu ilə birlikdə əsas komandada kənarlaşdırılmışdı. “Marsel” icarə haqqı ödəməyəcək. Amma 24 yaşlı oyunçunun məvacibi fransızlar tərəfindən qarşılanacaq. Müqavilədə daha 2 maddə diqqəti çəkir. Belə ki, Onana “Marsel”in ikinci dövərədəki matçlarının 50 faizində iştirak edəcəyi halda və ya bu klub ÇL-ə vəsiqə qazanacağı təqdirdə Fransa nəhəngi “Beşiktaş”a 4,5 milyon avro ödəyərək onu daimi əsasda transfer etməli olacaq.