“Neftçi”də mövsümün sonunda müqavilə müddəti başa çatacaq futbolçulardan biri də Azər Salahlıdı. Müdafiəçinin müqaviləsində əlavə birillik uzadılma maddəsi olsa da, onun qüvvəyə minməsi üçün konkret şərt yerinə yetirilməlidi. Belə ki, Azər bu mövsüm premyer-liqa və ölkə kuboku çərçivəsində keçirilən matçların ən azı 50 faizində meydana çıxmalıdı.

Bəs bu şərtin yerinə yetirilibmi?

Bizdə olan bilgiyə görə, premyer-liqada sona üç tur qalmış Salahlı hələ 50 faiz həddinə çatmayıb. Qarşıdakı 3 oyunun hər birində ən azı 45 dəqiqə meydanda olacağı halda, müqavilə avtomatik bir il müddətinə uzadılacaq. Son matçlarda Salahlının oyun praktikasının azalması da diqqəti çəkir. 33-cü turda “Kəpəz”ə qarşı keçirilən oyunda 90 dəqiqə meydanda olan müdafiəçi 32-ci turda - “Sumqayıt”la matçda, ümumiyyətlə, forma şansı qazanmayıb. Kubokun “Sabah”la yarımfinal qarşılaşmasında cəmi 10 dəqiqə meydanda olan Salahlı 31-ci turda - “Qarabağ”la oyunda isə yalnız 30 dəqiqə şans qazanıb.

ƏSƏD SEYİDOV