“Ayxan müəllimin dedikləriylə tanışam. Lakin əvvəlcə vacib məqamlara aydınlıq gətirməliyəm. Birincisi, hansısa futbolçuyla rəsmi müqavilə imzalanmadan bu barədə nəsə demək doğru olmaz. Bu üzdən hələ prosesin necə irəlilədiyi haqda əlavə bilgi verə bilməyəcəm. İkincisi, Ayxan Abbasov həm “Şamaxı”nın, həm də U-21 millisinin baş məşqçisidi. Amma mən təkcə “Şamaxı”nın baş meneceriyəm. Komandaya təkcə gənc futbolçular yox, həm də daha təcrübəli yerli futbolçular və legionerlər gələcək. Bu gün prioritetimiz sırf gənclər deyil, ümumiyyətlə, transfer prosesini düzgün istiqamətdə irəlilətməkdi. Gənclərlə bağlı onu deyə bilərəm ki heç kim hansısa kluba “gənc futbolçunu “Şamaxı”ya, Ayxan Abbasovun sərəncamına ver” əmri verməyib. Yəni bu proses sırf klubun siyasəti əsasında irəliləyəcək. Hansısa komanda öz yetirməsini və ya müqaviləsinin müddəti davam edən futbolçunu bizə verməyə bilər. Bunu da normal qarşılayırıq. Səlahiyyətimiz yoxdu ki, hansısa komandaya “Ayxan Abbasov millinin baş məşqçisidi, gənc futbolçunu bizə verməlisən” deyək. Premyer-liqada qalmağımıza gəlincə, bütün “Şamaxı” camiəsini təbrik edirəm. Çox sevindirici haldı ki, qarşımıza qayılan məqsədin öhdəsindən gəldik. Ümid edirəm ki, növbəti mövsümlərdə də hədəflərimizə çatacağıq”.