“Krasnodar” çempionluğa bir addım da yaxınlaşdı - İCMAL
Turun cümə günü keçirilən açılış oyunu mövsümün ən dramatik matçlarından birinə səhnə oldu.
"Football-plus.az" xəbər verir ki, “Krasnodar” son 7 ev oyununda cəmi 1 dəfə uduzan debütant Mahaçqala “Dinamo”suna qarşı səfərdə 86-cı dəqiqəyə qədər 3:1 öndə idi. Amma meydan sahibləri fərqi minimuma endirdikdən sonra irəli atıldılar və 90+11-ci dəqiqədə (!) penalti qazandılar. Stanislav Aqkatsev Həmid Ağalarovun penaltisini dəf etməklə qəhrəmana çevrildi. Son 7 turda 6-cı qələbəsini qazanan “Krasnodar” xalını 58-ə çatdırdı.
“Öküzlər”in qələbəsindən sonra diqqətlər “Zenit”ə yönəldi. Sergey Semakın komandasının Moskva “Dinamo”sunu səfərdə yenməkdən başqa çarəsi yox idi. Amma son çempion oyuna uğurlu başlasa da, fanatlarını sevindirə bilmədi. “Zenit” qızıla bərabər xallar itirməkdə və çempionluqdan uzaqlaşmaqda davam edir. Piterlilər səfərdə ardıcıl 3-cü dəfə qələbəyə həsrət qaldılar. Elə Moskva təmsilçilərinə qarşı da sindrom davam edir.
“Zenit”in paytaxt klublarına qarşı son 14 rəsmi oyunda cəmi iki qələbəsi var. Bu xal itkisindən sonra zirvədə sona 4 tur qalmış fərq 4 xala çatdı və bukmekerlərin fikrincə, “Krasnodar”ın çempionluq şansı 68 faizə yüksəldi! “Dinamo”nun ardıcıl 20-ci turda qol vuraraq şəxsi rekordunu yenilədiyini də bildirək. 19 yaşlı Batrakovun son anlarda penaltidən vurduğu qol “Lokomotiv”i “Rostov” səfərində məğlubiyyətdən xilas etdi. Amma “dəmiryolçular”ın premyer-liqada səfərdə qələbəsiz seriyası 8 oyuna yüksəldi. Bu, 2010-cu ildən bəri klubun ən pis seriyasıdı. 19 yaşlı Batrakovun isə ulduzu parlamaqda davam edir. Bu mövsüm o artıq 20 qolun vurulmasında yaxından iştirak edib (13 qol, 7 ötürmə). XXI əsrdə bu turnirdə 20 yaşa çatmayan heç bir futbolçunun belə göstəricisi olmamışdı! Moskva derbisi də dramatik alındı. “Spartak” son anlarda penaltidən bərabərlik qolunu vursa da, 2025-ci ili əla keçirən ÇSKA hesabına 3 xal yazmağı bacardı. Məğlubiyyətrsiz seriyası 10 oyuna çatan “hərbçilər” 3-cü pilləyə yüksəldilər. Bu komanda bu təqvim ilində nəinki uduzmayıb, hətta bir dəfə də hesabda geri düşməyib! “Spartak” isə bu məğlubiyyətlə artıq çempionluq yarışından birdəfəlik çəkildi.
26-cı tur
Dinamo M – Zenit 1:1
Qladışev, 41 – Pedro Enrike, 18.
Zenit: Latışonok, Mantuan, Nino, Yerakoviç, Santos, Barrios, Vendel (Yeroxin, 88), Luis Enrike, Qluşenkov (Mostovoy, 63), Pedro Enrike (Qondu, 63), Kassyerra (Sobolev, 77).
Dinamo Mh – Krasnodar 2:3
Hosseynnecad, 25. Zinoviç, 86 – Kobnan, 6. Batçi, 45. Spertsyan, 65.
Krasnodar: Aqkatsev, Petrov (Qonsales, 46), Tormena, Kosta, Olasa, Pina, Çernikov (Krivtsov, 75), Kobnan (Sa, 46), Spertsyan (Kayo, 83), Batçi (Kozlov, 83), Kordoba.
Spartak – ÇSKA 1:2
Barko, 87-p. – Quarirapa, 44. Bistroviç, 89.
Spartak: Maksimenko, Denisov (Zobnin, 46), Duarte, Babiç, Markinyos, Umyarov (İqnatov, 80), Prutsev (Ryabçuk, 64), Bonqonda (Medina, 64), Martins, Barko, Uqalde (Qarsiya, 46).
ÇSKA: Akinfeyev, Qayiç, Roşa, Abdulkadirov, Moyzes, Oblyakov, Kislyak, Fayzullayev (Bistroviç, 72), Koyta (Qlebov, 72), Pyaniç (Jemaletdinov, 89), Quarirapa (Musayev, 80).
Rostov – Lokomotiv 1:1
Şetinin, 23 – Batrakov, 75-p.
Lokomotiv: Mitryuşkin, Silyanov, Nyamsi, Poqostnov, Samoşnikov (Tiknizyan, 46), Barinov, Qodyayev (Karpukas, 46), Rakov, Batrakov (Nenaxov, 88), Pinyayev (Sarveli, 46), Vorobyov (Süleymanov, 63).
Rubin – Fakel 2:1
Bezrukov, 56; 89 – İlyin, 22.
Krılya Sovetov – Orenburq 2:0
Sergeyev, 83-p. Tsıpçenko, 87.
Nijni Novqorod – Axmat 1:0
Boselli, 45+7-p.
Ximki – Akron 2:2
Saviçev, 24-öz qapısına. Vera, 29-p. – Dzyuba, 12. Eskoval, 67.
1. Krasnodar 26 17 7 2 52-20 58
2. Zenit 26 16 6 4 51-17 54
3. ÇSKA 26 15 6 5 41-18 51
4. Spartak 26 15 5 6 49-23 50
5. Dinamo M 26 13 8 5 54-30 47
6. Lokomotiv 26 13 6 7 43-37 45
7. Rubin 26 11 6 9 34-38 39
8. Rostov 26 10 7 9 39-39 37
9. Krılya Sovetov 26 8 6 12 32-40 30
10. Akron 26 8 5 13 33-47 29
11. Dinamo Mh 26 6 9 11 25-31 27
12. Ximki 26 5 9 12 30-47 24
13. Nijni Novqorod 26 6 5 15 20-47 23
14. Axmat 26 4 11 11 23-40 23
15. Orenburq 26 4 5 17 23-48 17
16. Fakel 26 2 9 15 12-39 15
Bombardirlər: Uqalde (Spartak) – 16, Batrakov (Lokomotiv) – 13, Barko (Spartak) – 12.
Növbəti turun oyunları mayın 2-5-i aralığında keçiriləcək: Akron – Dinamo Mh, Axmat – ÇSKA, Krasnodar – Rubin, Ximki – Rostov, Krılya Sovetov – Dinamo M, Lokomotiv – Orenburq, Fakel – Spartak, Zenit – Nijni Novqorod.
Oyundan sonra
Murad Musayev, “Krasnodar”ın baş məşqçisi:
“Çox emosional bir oyun oldu. Oyundan dərhal sonra bu gün başverənlərə qiymət vermək çətindi. Amma cənub derbisində işimizin asan olmayacağını, ikili mübarizələrin sayının çox olacağını bilirdik. İkinci hissədə daha inamlı təsir bağışladıq. 3-cü qolu vurduqdan sonra 3 xal sanki artıq cibimizdəydi. Amma futbolda heç vaxt rahatlaşmaq olmaz. Xırda bir səhv oyunun axarını dəyişdi. Bununla belə, oyunçularım ən xoş sözlərə layiqdi. Özləri problem yaratdılar və özləri də qəhrəmancasına bu problemi yoluna qoydular. Əla xarakter nümayiş etdirdilər. Mövsümün ən vacib qələbələrindən birini qazandıq. Penaltini dəf edərkən belə görünür, qapıçımızın barmağı sındı. Həqiqətən sınıq varsa, durum qəlizdi. “Çempionluq” sözünü dilimizə gətirmək istəmirik. Mövsümün sonuna 4 tur qalıb. Mayda nələr olacağını hamımız görəcəyik”.
Sergey Semak, “Zenit”in baş məşqçisi:
“Çox təəəsüflər olsun, qalib gələ bilmədik. Hesab açılana qədər çox yaxşı oynayırdıq. Meydanda hər kəsin görmək istədiyi bir “Zenit” izləyirdik. Amma qol vurandan sonra geri çəkilməyə başladıq. Oyunda aqressivliyimiz azaldı. Bunun da nəticəsi kimi rəqibə hesabı bərabərləşdirməyə imkan verdik. 1:1-dən sonra oyun intizamımız pozuldu. Taktikanı unudub irəli atıldıq. Amma istədiyimiz fürsətləri yaxalaya bilmədik. Matçın sonlarında həm biz, həm də “Dinamo” qol vura bilərdi. Ona görə də ümumi götürəndə nəticə ədalətli olsa da, turnir cədvəlindəki durumumuzu nəzərə alanda bizim üçün qaneedici deyil. “Zenit” liderlərindən çox asılı olan komandadı. Onlar parlaq oynadıqda qol fürsətlərimiz çox olur. Onların oyunu alınmayandan komanda da zəif təsir bağışlayır”.
Digər xəbərlər
