A seriyasının 33-cü turunda nəzərdə tutulan on oyundan dördü baş tutmamışdı. Roma Papası Fransiskin vəfatına görə bazar ertəsinə təyin olunan matçlar çərşənbə günü keçirildi.

Tura Çempionlar Liqasına (ÇL) sonuncu vəsiqəni verən 4-cü yerdə başlayan “Yuventus” Parmada hesabına xal yaza bilmədi. Fasilə ərəfəsində buraxılan qola heç cür cavab verə bilməyən qonaq komanda baş məşqçi vəzifəsinə martda təyinat alan İqor Tudorun rəhbərliyi altında keçirdiyi 4-cü oyunda ilk dəfə uduzdu. Məğlubiyyət “Yuventus”un “ÇL zonası”na qayıtmasını mümkünsüz etdi.

Xatırladaq ki, aprelin 20-də “İnter”i məğlub edən (1:0) “Bolonya” 4-cü yerə çıxmışdı.

İndi “Yuventus” Genuyada qalib gələn “Latsio” ilə eyni xala malik olmaqla 5-6-cı yerləri bölüşür. Kalyaridə maksimum nəticə göstərən “Fiorentina” da “ÇL zonası” uğrunda mübarizəni davam etdirir.

33-cü turdan təxirə salınan oyunlar
Parma – Yuventus 1:0
Pelleqrino, 45+1. (21587)
Yuventus: Di Qreqorio, Kelli (Koşta, 86), Kalulu, Veyqa, Kambyaso, Lokatelli (Duqlas Luis, 86), K.Türam, Makkenni (Yıldız, 57), Qonsales (Vea, 86), Kolo Muani, Vlahoviç (Konseysao, 46).

Cenoa – Latsio 0:2
Kastelyanos, 32. Dia, 65. (32038)
Latsio: Mandas, Luka Pelleqrini, Romanyoli, Xila, Latsari (Pedro, 45), Maruşiç, Rovella (Vesino, 69), Genduzi, Zakkanyi (Noslin, 89), Dia (Belayan, 69), Kastelyanos (Hüsay, 89).

Kalyari – Fiorentina 1:2
Pikkoli, 7 - Qosens, 36. Beltran, 48. (15917)
Fiorentina: De Xea, Qosens (Parizi, 62), Ranyeri (Komutso, 81), Mari, Ponqraçiç, Dodo, Kataldi, Mandraqora (Folorunşo, 81), Facoli (Riçardson, 63), Qudmundsson, Beltran (Zanyolo, 86).

Torino – Udineze 2:0
Adams, 39. Dembele, 85. (20000)

1-2. İnter, Napoli – 71… 5-6. Yuventus, Latsio – 59, 7. Roma – 57, 8. Fiorentina – 56… 10. Torino – 43, 11. Udineze – 40, 12-13. Komo, Cenoa – 39… 15. Parma – 31, 16. Kalyari – 30…

Bombardir: Retegi (Atalanta) - 23.

Oyundan sonra
İqor Tudor, “Yuventus”un baş məşqçisi: