“Rəqibimiz formalaşmış komandadı. Onun heyətində legioner futbolçular da var idi. Zədəli və cəzalı futbolçularımızın olması rotasiyalar etməyə məcbur etdi. Oyuna yaxşı hazırlaşmışdıq, komandam mübarizə apardı. Sözün əsl mənasında qələbə qazanacağımıza inanırdıq. İstəkli və bacarıqlı futbolçularımız var. Bu oyunun nəticəsinin məndən və futbolçulardan çox kimisə məyus edəcəyini inanmıram. İlk hissədə 4:1 önə çıxandan sonra uşaqlarda rahatlıq yarandı. Futbolda hər saniyənin öz hökmü var. Oyun yalnız hakim final fitini səsləndirəndən sonra bitir. Bu baxımdan uşaqları maarifləndirmişəm. Rəqib 8 dəqiqəyə qapımıza 3 qol vurdu. Futbolda hər şey mümkündü. Futbolçularımdan çox razıyam. İstənilən komandaya qarşı döyüşürlər. Bu oyun uşaqlar üçün bir təcrübə oldu”.