“Biz oyuna həddən artıq ciddi hazırlaşmışdıq. Baxmayaraq ki, ilk görüşdə qələbə qazanmışdıq, üstün idik. Amma başa düşürdük ki, futbolda hər şey mümkündü, cavab görüşündən isə çox şey asılıdı. Həqiqətən çox güclü hazırlaşmışdıq. Mənə elə gəlir ki, pley-off-a necə yanaşdığımızı həm nəticə, həm də oyun olaraq, görmək çətin deyildi. Şadam ki, bu qələbəni qazanaraq 1-ci liqaya vəsiqə əldə etdik. Burda futbolçuların, bütün rəhbərliyin, bizə dəstək olan azarkeşlərin, komanda şəklində hər birimizin böyük əziyyəti danılmazdı. Bu, bizi qürurlandırır. Elvin Məmmədovla Ruslan Əmircanov son dəfə komandaya kömək etdilər. Mənə görə kluba gəldilər, çıxış edib komandanın uğurunda pay sahibi oldular. Onların da əziyyəti əvəzsizdi. Bir daha sizin vasitənizlə təşəkkürümü bildirirəm”.