“Oyunun çətin keçəcəyi və stadionun vəziyyəti məlum idi. Hər şeyi nəzərə alıb hazırlaşmışdıq. Uzun toplu oyun düşünürdük. Rəqibin də stili belədi. Gərgin oyun oldu. Uzun müddət hesabda öndə olsaq da, təəssüf ki, üstünlüyü qoruya bilmədik. Birinci hissədə, hətta 60-ci dəqiqəyə qədər üstünlük bizdə idi, daha sonra rəqib oyuna nəzarət etdi. Oyunun belə olacağı gözlənilirdi. Liqadakı ən çətin səfər Yevlax səfəridi. Həm Yevlax, həm İmişli əhlinin komandaya böyük dəstəyi var. Qələbəyə inanırdıq, məqsədimiz üç xal idi. İtkilərimiz də var idi. Bilmirəm bir xala sevinim, yoxsa pis olum. Amma deyərdim ki, oyunun ədalətli nəticəsi heç-heçə idi”.