“Qeyri-adi heç nə baş vermədi. Motivasiya aşılayacaq söhbətlərimiz olur. Biz onlara izah etdik ki, 2-ci liqa ciddi turnirdi. Peşəkar Futbol Liqasının təşkil etdiyi liqadı. Nə qədər yarım-peşəkar deyilsə də, peşəkar liqadı. Hər bir futbolçunun burda çıxış etməsi üstünlükdü. Bunu uşaqlara başa saldıq. Onlar əzmkarlıq göstərir. Qələbə qazanmağımız bizi 2-cli liqada saxlaya, sponsor tapmağımıza əsaslı yardım edə bilər. Yaxşı oynasaq, sponsorların maraq dairəsinə düşəcəyik. Bu gün olmasa da, sabah buna ümid var. Komanda ruhu bizi motivasiyalandırır. Müdafiədə diqqətli oynayırıq. Əlimizə düşən fürsətləri də qola çevirməyə çalışırıq, bacarırıq da. Əldə etdiyimiz xallar qızıl dəyərindədi. Şükürlər olsun ki, sonuncu yer kabusundan qurtulduq. Önümüzdəki oyunlara köklənəcəyik. Sonuncu turda “Lerik”lə oyunumuz var. O oyun ölüm-dirim savaşı olacaq. Çempionatda qalmağımızı rəsmiləşdirən oyun, yəqin ki, o oyun olacaq. Qələbələrdən sonra mükafat da alırıq. Düzdü, bu məbləğ çox cüzidi. Amma futbolçuların motivasiyası üçün rəmzi də olsa, yaxşıdı. Qismətimizdə varsa, 2-ci liqada qalacağıq”.