“İndiki duruma əsasən düşünmək olar ki, “Qarabağ”la “Sabah”ın şansı daha çoxdu. Yenə də bu barədə dəqiq danışmaq imkansızdı. Çünki “Neftçi” geridönüş edib qalib gələ də bilər. Hətta Masazırdakı matçın penalti seriyasına qədər uzanmaq ehtimalı da var. Həmçinin “Qarabağ” artıq çempion olmaq üzrədi. “Araz-Naxçıvan” isə ölkəmizi Konfrans Liqasında təmsil etməyin biraddımlığındadı. Bu səbəbdən “Sabah” – “Neftçi” oyununun daha gərgin keçəcəyini düşünürəm. O bəllidi ki, “Qarabağ” finala çıxsa, kuboku əldən verməyəcək. “Sabah” və ya “Neftçi” finalda yalnız “Araz-Naxçıvan”la qarşılaşsa, müəyyən şansı olacaq”.

“Çox çətin sualdı. Belə hallarda konkret fikir söyləmək mümkün deyil. “Sabah” – “Neftçi” matçında meydan sahiblərini daha şanslı görürəm. Bəli, “Neftçi” mübarizəni dayandırsa, ardıcıl ikinci mövsüm ölkəmizi avrokuboklarda təmsil etmək imkanından məhrum olacaq. Yenə də “Neftçi”nin “Sabah” qarşısında şanslı olduğunu düşünmürəm. Belə bir şey mümkün idisə, ev oyununda qalib gələrdilər. “Qarabağ” – “Araz-Naxçıvan” matçının isə Ağdam təmsilçisinin qələbəsiylə yekunlaşacağını düşünürəm”.