Türkiyə kubokunun yarımfinalında ''Qalatasaray'' ''Konyaspor''un qonağı oldu.

''Football-plus.az'' xəbər verir ki, ''Cim-Bom''un 5:1 qalib gələrək finala yüksəldiyi oyunda hakim ilə bağlı bəzi diqqətçəkən olaylar yaşandı.

Bu oyuna əvvəlcə Abdulla Buğra Taşkınsoy təyinat almışdı. Ancaq oyunun başlamasına az müddət qalmış bu həkimin səhhətində problemlər yarandı. Özünü yaxşı hiss etmədiyini deyən Taşkınsoya həkimlər yardım etdilər. Sonradan onun durumu bir qədər yaxşılaşsa da, həkimlər ona matçı idarə etməyə icazə vermədilər. Belədə əsas hakim funksiyasını bu matça 4-cü hakim kimi təyinat alan Əli Yılmaz yerinə yetirməli oldu. Onlar yerlərini dəyişdilər və Taşkınsoy matça 4-cü hakim qismində başladı. Bu olay üzündən hətta oyun planlaşdırılandan bir neçə dəqiqə gec start götürdü.

Maraqlıdı ki, bir müddət sonra Abdulla Buğra Taşkınsoy yenə özünü yaxşı hiss etməyərək heç 4-cü hakim funksiyasını da icra edə bilmədi. 14-cü dəqiqədə oyun yenidən dayandırıldı və Taşkınsoy həkimlərin köməyi ilə paltardəyişmə otağına yollandı. Ən qəribəsi odu ki, matçın qalan qalan bölümündə 4-cü hakim funksiyasını əsas peşəsi həkimlik olan Raşit Yorgancılar icra etdi. O, Konyada həm həkim kimi çalışır, həm də hakim kimi Türkiyənin aşağı liqa oyunlarına təyinat alır.

Başıbəlalı hakim Abdulla Buğra Taşkınsoya gəlincə, o, elə oyun davam etdiyi sırada hər ehtimala qarşı xəstəxanaya aparıldı. Hazırda onun durumunun normal olduğu deyilir.