Aprelin 17-da keçirilən oyunlarla Konfrans Liqasında (KL) 1/4 final arxada qaldı. Bu mərhələnin cavab matçlarında maraqlı və bir qədər gözlənilməz nəticələr qeydə alınsa da, əksər favorit komandalar yarımfinala adladılar.

"Football-plus.az" xəbər verir ki, Varşavadaki ilk matçda üç cavabsız qolla qalib gələn “Çelsi” KL-dəki qələbə seriyasını 9 oyuna çatdırmışdı. Bu, 4-cü mövsümü keçirilən turnirin yeni rekordudu. İngiltərə klubunun rekordu yeniləmək ehtimalı çox idi. Lakin nəticə çox gözlənilməz oldu. 9-cu dəqiqədə cərimə meydançasında Pekharta qarşı kobud oynayan qapıçı Yorgensen penaltiyə səbəbkar oldu və zərərçəkən gözəl şansı qaçırmadı. Fasilə ərəfəsində Kukurelya hesabı bərabərləşdirsə də, polşalılar ikinci hissədə Kapuadi ilə yenidən önə keçdilər. Bundan sonra üstünlüyü böyük ölçüdə ələ alan “Çelsi”nin qələbə qazanmaq üçün kifayət qədər imkanı oldu. Lakin cavab oyununda gücünə qənaət etməyə üstünlük verməsi londonlulara qələbə seriyasının qırılması hesabına başa gəldi.

İspaniyada “Yagelloniya”ya ilk hissədəcə iki cavabsız qol vurmaqla qalib gələn “Betis” Polşada 1:1 hesabına razılaşdı. “Fiorentina” da 1/4 finalı heç-heçə ilə adladı. KL-in son iki mövsümünün finalçısı səfərdə 2:1 hesabıyla məğlub etdiyi “Selye”ni evdə üstələyə bilməsə də, 2:2 hesablı “sülh” florensiyalıların mərhələni adlaması üçün kifayət etdi. 1955/56 mövsümündən sonra qitə kuboklarında ilk dəfə 1/4 finalda oynayan “Yurqorden” isə İsveçdə minimal hesabla uduzduğu “Rapid”ə Avstriyada 4:1 hesabıyla qalib gəldi. Meydan sahiblərinin darmadağınına yarımmüdafiəçi Sanqarenin 7-ci dəqiqədə qırmızı vərəqə almasının az təsiri olmadı.

Beləliklə, yarımfinalda “Yurqorden” “Çelsi”, “Betis” isə “Fiorentina” ilə qarşılaşacaq. Bu mərhələnin ilk oyunları mayın 1-də adı birinci göstərilən komandaların meydanında keçiriləcək.

1/4 final, cavab oyunları
Çelsi (İngiltərə) - Legiya (Polşa) 1:2 (ilk oyun - 3:0)
Kukurelya, 33 - Pekhart, 10-p. Kapuadi, 53.
Çelsi: Yorgensen, Kukurelya (Qüsto, 57), Badyaşil, Adarabioyo, Açimponq, Ceyms, Dyusberi-Holl, Palmer (Madueke, 57), Sanço (Netu, 77), Nkunku, Cekson (Corc, 46).
Legiya: Kovaçeviç, Ruben Vinaqre, Kapuadi, Zelkovski (Yenceyçik, 87), Pankov, Oyedele, Lukinyas (Şepyanyak, 77), Qonsalveş (Biçaxçyan, 86), Elitim (Auqustınyak, 77), Morisita, Pekhart (Hodına, 66).

Yagelloniya (Polşa) - Betis (İspaniya) 1:1 (0:2)
Çurlinov, 81 - Bakambyu, 78.
Yagelloniya: Abramoviç, Braqansa Moutinyo, Eboss, Skşipçak, Voytuşek, Kubitski (Kosta Silva, 71), Romançuk, İmas, Hansen (Pyetuşevski, 79), Çurlinov (Villar Miki, 89), Pululu (Diabi-Fadiqa, 79).
Betis: Vieytes, R.Rodriges (Perro, 25), Natan, Bartra, Sabali, Altimira, Fornals (Kardoso, 71), X.Rodriges (Ruibal, 71), Lo Çelso (İsko, 81), Antoni (Ezzalzuli, 81), Bakambyu.

Fiorentina (İtaliya) - Selye (Sloveniya) 2:2 (2:1)
Mandraqora, 37. Ken, 67 – Matko, 54. Nemaniç, 65.
Fiorentina: De Xea, Komutso, Ranyeri, Ponqraçiç, Parizi (Qosens, 80), Facoli (Riçardson, 80), Kataldi, Mandraqora (Adli, 90), Folorunşo, Qudmundsson (Beltran, 90), Ken.
Selye: Rikardo Silva, Karniçnik, Nemaniç, Vuklişeviç, Nyeto, Kvesiç, Svetlin, Seşlar, Zabukovnik, Matko (Edmilson Santos, 90), Delorye-Şobe.

Rapid (Avstriya) - Yurqorden (İsveç) 1:4, əlavə vaxtda (1:0)
Une Larsson, 45+1-öz qapısına – Danielsson, 42-p. Kosuqi, 77. Qulliksen, 93; 105.
Rapid: Hedl, Auer (Bişof, 96), Osvald (Burqştaller, 96), Ro-Yao, Svetkoviç (Qroller, 75), Zaydl, Qrqiç, Sanqare, Şaub (Yansson, 66), Kara (Romeo, 9), Belyo (Bökle, 75).
Yurqorden: Rinne, Une Larsson (Tenho, 83), Kosuqi (Etli, 99), Danielsson, Ştol, Finndell, (Muluqeta, 78), Svensson, Fallenius (Priske, 21), Qulliksen, Juqel (Haarala, 9/Berq, 83), Nquen.

Bombardirlər: Pululu (Yagelloniya) - 8, Bakambyu (Betis) - 7, Qiyu (Çelsi), Kuçis (Selye) - 6.