Martın 13-də keçirilən oyunlarla Konfrans Liqasında (KL) 1/8 final arxada qaldı. Bu mərhələdə bir həftə ərzində baş tutan matçlardan sonra əksər favoritlər 1/4 finala adladı.

Vahid liqa mərhələsinin yekun cədvəlində ilk 8 yeri tutmaqla birbaşa 1/8 finala vəsiqə qazanan komandalardan “Çelsi”, “Fiorentina”, “Rapid”, “Yurqorden” və “Legiya” mərhələni adlayarkən, “Gimaraynş”, “Luqano” və “Serkl Brügge” mübarizəni dayandırdı. Uğursuzlara üstün gələnlər isə “Betis”, “Yagelloniya” və “Selye” oldu. 1/8 finalda iştirakı hələ liqa mərhələsinin 5-ci turundan sonra rəsmiləşən “Çelsi” maksimum nəticə göstərən yeganə komandadı. İngiltərə klubu pley-offda Almaniya təmsilçisi “Haydenhaym”ı üstələyən “Kopenhagen” ə səfər matçında 2:1 hesabıyla qalib gəlmişdi. Londonlular cavab görüşündə bir qədər ehtiyatlı oyunu ilə diqqəti cəlb etdi. Dyusberi-Hollun fasilədən sonra vurduğu qol Danimarka təmsilçisinin növbəti məğlubiyyətini rəsmiləşdirdi. Bununla da “Çelsi”nin KL-dəki qələbə seriyası 8 oyuna çatdı. Bu, 4-cü mövsümü keçirilən turnirin yeni rekordudu.

İspaniyada bir həftə əvvəl keçirilən “Betis” – “Gimaraynş” oyununun ilk hissəsi qolsuz başa çatsa da, komandalar ikinci hissədə hərəyə 2 qol vurmuşdular. “Gimaraynş” bununla ümumi liqada təsadüfən 2-ci yeri tutmadığını əyani göstərmişdi. Amma əsas mərhələni yekun cədvəlin 15-ci pilləsində başa vuran “Betis” cavab görüşündə rəqibinə heç bir şans vermədi. 4 cavabsız qolla qalib gələn La Liqa təmsilçisi 1/8 final oyunlarında ən böyükhesablı qələbə qazanan komanda oldu.

Əsas mərhələdə topların daha yaxşı fərqinə əsasən 3-cü yeri tutan “Fiorentina”nın 1/8 finaldakı startı uğursuz alınmışdı. KL-in son iki mövsümünün finalçısı Afinada “Panatinaikos”a 2:3 hesabıyla uduzandan sonra İtaliyada sərfəli nəticəyə nail oldu – 3:1.

Polşalı futbolsevərlər növbəti mərhələdə də iki komandanın oyunlarının həyəcanını yaşayacaqlar. Ölkənin son çempionu “Yagelloniya” iki oyunun nəticəsinə əsasən “Serkl Brügge”ni, “Legiya” isə “Molde”ni üstələdi. Bu mərhələnin ən böyük sürprizini isə “Selye” reallaşdırdı. Evdə minimal hesabla qalib gələn Sloveniya klubu “Luqano”ya İsveçrədə 4:5 hesabıyla uduzsa da, penalti seriyasında qələbə ilə azarkeşlərinə böyük sevinc bəxş etdi.

1/8 final, cavab oyunları
Çelsi (İngiltərə) - Kopenhagen (Danimarka) 1:0 (ilk oyun – 2:1)
Dyusberi-Holl, 55.
Çelsi: Yorgensen, Açimponq (Kukurelya, 46), Badyaşil, Adarabioyo, Çaloba, Kaysedo (Ceyms, 79), Dyusberi-Holl, Fernandes (Palmer, 46), Sanço (Nkunku, 65), Corc, Netu (Antvi, 90).

Gimaraynş (Portuqaliya) - Betis (İspaniya) 0:4 (2:2)
Bakambyu, 5; 20. Antoni, 58. İsko, 80.
Betis: Vieytes, R.Rodriges, Lyorente, Bartra, Ruibal, Fornals, Altimira (Natan, 73), X.Rodriges (Ezzalzuli, 60), İsko, X.Qarsiya, Antoni, Bakambyu (Flores, 82).

Fiorentina (İtaliya) - Panatinaikos (Yunanıstan) 3:1 (2:3)
Mandraqora, 12. Qudmundsson, 24. Ken, 75 – İoannidis, 81-p.
Fiorentina: De Xea, Komutso, Ranyeri (Zanyolo, 79), Ponqraçiç, Dodo (Moreno, 90), Qosens, Facoli, Kataldi (Folorunşo, 61), Mandraqora (Adli, 79), Qudmundsson (Beltran, 60), Ken.

Rapid (Avstriya) - Borats (Bosniya və Hersoqovina) 2:1, əlavə vaxtda (1:1)
Belyo, 70. Şaub, 96 - Oqrinets, 66.
Rapid: Hedl, Osvald (Bekle, 100), Ro-Yao, Svetkoviç, Bolla, Sanqare (Borkyaye, 113), Qrqiç (Zaydl, 67), Şaub (Raduloviç, 103), Yansson (Bişof, 103), Belyo, Vurmbrand (Kara, 82).

Legiya (Polşa) - Molde (Norveç) 2:0, ə.v. (2:3)
Morisita, 34. Qual, 108.
Legiya: Tobiaş, Ruben Vinaqre (Kun, 103), Kapuadi, Yençeyçik (Zelkovski, 103), Vşolek, Elitim (Qonsalveş, 84), Auqustınyak (Oyedele, 90), Kapustka, Morisita, Hodına (Biçaxçyan, 89), Qual.

Yurqorden (İsveç) - Pafos (Cənubi Kipr) 3:0 (0:1)
Fallenius, 35. Stensson, 66. Nquen, 86.
Yurqorden: Nilsson (Rinne, 86), Une Larsson, Kosuqi, Tenho, Ştol, Stensson, Şüller (Finndell, 83), Fallenius, Qulliksen, Oslund (Priske, 83), Nquen.

Serkl Brügge (Belçika) - Yagelloniya (Polşa) 2:0 (0:3)
Van der Brüggen, 8. Filipe Auqusto, 50.
Yagelloniya: Abramoviç, Braqansa Moutinyo, Eboss, Skşipçak, Stoinoviç (Tomaş Silva, 46), Flak, Kubitski (Romançuk, 58), Vilyar (Çurlinov, 58), Hansen, İmas, Pululu.

Luqano (İsveçrə) - Selye (Sloveniya) 5:4, p. – 1:3 (0:1)
Mahmud, 21. Kutsias, 42; 80. Dos Santos, 44. Dumbiya, 118 – Seşlar, 40. Svetlin, 68. Kuçis, 90+5-p. Nyeto, 97.
Selye: Rikardo Silva, Karniçnik, Beyqer, Vuklişeviç, Nyeto, Seşlar, Svetlin,
Dulka (Kvesiç, 46), Zabukovnik, Delorye-Şobe (Matko, 46), Kuçis (Filyo, 115).

İlk oyunları aprelin 10-da keçiriləcək 1/4 finalda cütlər belə formalaşıb: Çelsi – Legiya, Betis – Yagelloniya, Selye – Fiorentina, Yurqorden – Rapid.

Bombardirlər: Pululu (Yagelloniya) - 8, Qiyu (Çelsi), Kuçis (Selye) - 6.