''Konyaspor''un məşqçisi ''Qalatasaray''la yarımfinaldan öncə iddialı danışdı
Bu gün Türkiyə kubokunda ilk finalçı bəlli olacaq.
Yarımfinalda ''Qalatasaray'' ''Konyaspor''un qonağı olacaq. ''Football-plus.az'' xəbər verir ki, bu komandalar bu mövsüm kubokda eyni qrupda mübarizə aparmışdılar. Həmin vaxt ''Qalatasaray'' bu rəqibi evdə məğlub edə bilməmiş (0:0) və yalnız ikinci pillə ilə kifayətlənməli olmuşdu. Amma hər iki klub 1/4 final səddini uğurla dəf edərək yenidən bir-birinə rəqib olub.
Bu arada Konya klubunun baş məşqçisi Rəcəp Uçar qarşıdakı oyunla bağlı fikirlərini bölüşərək iddialı açıqlamalar verib: '
'Bir tərəfdən superliqada elitada qalmaq uğrunda mübarizə aparırıqsa, digər tərəfdən çempionatda az şans verdiyimiz futbolçularla kubokda yarımfinala qədər irəliləməyi bacarmışıq. Bu mərhələdə rəqibimiz həm kubokun, həm də çempionatın aşkar favoriti sayılan ''Qalatasaray''dı. Bunun fərqindəyik. Amma futbol hər zaman böyük klubların və ulduzların qazandığı bir oyun deyil. Biz bu turnirdə keçirdiyimiz ilk oyundan etibarən kuboku qazanmaq istədiyimizi göstəririk. Kubok bu şəhərin damarlarında var. Daha öncə bu titulu qazanmışıq. ''Qalatasaray'' favorit olsa da, bacarığımızın maksimumunu sərgiləməyə və qalib gəlmək üçün əlimizdən gələni etməyə çalışacağıq. Əsas hədəfimiz finala yüksəlmək və sonra da bu titulu ikinci dəfə bu şəhərə gətirməkdi. Bunu bacarsaq, 2017-də olduğu kimi bu ilki uğurumuzdan da uzun illər fəxrlə danışa biləcəyik''.
Qeyd edək ki, ''Konyaspor'' tarixində ilk və hələ ki, sonuncu dəfə ölkə kubokunu 2017-ci ildə Aykut Kocamanın başçılığı altında qazanıb. Həmin vaxt Konya klubu finalda ''İstanbul BŞ''ni penaltilər seriyasında üstələmişdi.
Digər xəbərlər
