Argentina çempionatında 12-ci turun oyunlarından sonra qrupların yüksək pillələrində vəziyyət yenə dəyişdi. A qrupunda lider növbəti dəfə dəyişdi, B qrupunda isə ikihakimiyyətlilik yenidən bərpa olundu.

“Tiqre” əvvəlki turda A qrupunda vahid liderliyi ələ almışdı. Dieqo Dabovenin komandası cari mövsümdə ilk dəfə qrupda 1-ci yerə çıxmışdı. Amma san fernandoluların liderliyi yalnız bir tur çəkdi. “Göy-qırmızılar” bu mövsüm heç də yaxşı çıxış etməyən “Nyuellz Old Boyz”a evdə iki cavabsız qolla uduzdular. Maraqlıdı ki, “Tiqre” çempionatda heç-heçəyə razılaşmayan yeganə komandadı. Belə desək, “ya qələbə, ya da məğlubiyyət” şüarı ilə hərəkət edən Dabovenin komandası 4-cü məğlubiyyətini alaraq 3-cü yerə düşdü.

“Tiqre”nin uduzması “Boka Xuniors”un işinə yaradı. Əvvəlki turun “Nyuellz Old Boyz” ilə səfər oyununda (0:2) ardıcıl 6 qələbəlik seriyası qırılan ölkə nəhəngi evdə “Barrakas Sentral”a minimal hesabla qalib gəldi. Mərkəz müdafiəçisi Battalyanın fasilə ərəfəsində vurduğu qol Fernando Qaqonun komandasını yenidən 1-ci yerə yüksəltdi.

Tura hərəyə 22 xalla 3-4-cü yerləri bölüşməklə başlayan iki komandanın nəticələri fərqli oldu. “Atletiko Urakan” evdə “Aldosivi” ilə superməhsuldar heç-heçəyə (3:3) razılaşmaqla 4-cü yerə düşdü. “Arxentinos Xuniors” isə “Defensa y Xustisiya”nı 4:1 hesabı ilə darmadağın edərək 2-ci yerə çıxdı.

B qrupunda tura 24 xalla lider kimi başlayan “İndependyente” səfərdə “Lanus”dan bir xal ala bildi. Xulio Vakkarinin komandası hesabı erkən açsa da, ikinci hissədə qələbəni əldən verdi. Maraqlıdı ki, “qırmızılar” son oyunları qələbə və heç-heçə ilə başa vurublar. İki xal itkisi “İndependyente”nin 1-ci yerdəki mövqeyinə təsir etmədi. Amma avelyanedalılar indi qrupda şərikli liderdilər.

Ona görə ki, əsas izləyici “Rosario Sentral” turu maksimum xalla başa vurdu. Rosariolular evdə “Veles Sarsfild”dən maksimum xal aldılar. Cari mövsümün əvvəlini faciəvi şəkildə keçirən Argentinanın son çempionu Sebastyan Domingesin isteaya göndərilməsindən sonra onun yerinə təyinat alan Marselo Bravonun başçılığı altında ardıcıl iki qələbə ilə B qrupunda sonuncu yerdən qurtulmuşdu. Sonra evdə “Deportivo Riestra”ya minimal hesabla məğlub olan paytaxt komandası Rosarioda hesabı erkən açdı. Amma meydan sahibləri fasilədən sonra iki top vuraraq əzmkar qələbə ilə liderliyə şərik oldular. “Veles” isə qrupda 13-cü yerdən 14-ə düşdü.

Tura 3-cü yerdə başlayan “River Pleyt” yenə büdrədi. “Sarmyento” ilə səfər oyununun nəticəsini ilk hissədə vurulan iki qol müəyyən etdi. Ardıcıl 3-cü heç-heçə bu mövsüm heç də inamlı görünməyən Marselo Qalyardonun komandasını 4-cü yerə saldı. “River” indi B qrupunda liderlərdən 4 xal geri qalır.
Son mövsümün gümüş mükafatçısı olan “Talyeres de Kordoba” evdə “Ximnasiya”nı 2:0 hesabıyla məğlub edərək 10-cu yerdən 9-a yüksəldi. Bürünc mükafatçı “Rasinq” isə “Banfild” üzərində 4:1 hesablı qələbədən sonra A qrupunda 10-cü yeri tutur.

qrup mərhələsi, 12-ci tur
Tiqre - Nyuellz Old Boyz 0:2
Kuesta, 13. L.Errera, 73.

Boka Xuniors - Barrakas Sentral 1:0
Battalya, 40.

Atletiko Urakan - Aldosivi 3:3
Milyeviç, 24; 68. Sekeyra, 48 – E.Torres, 20-p. Palavesino, 63. Cani, 80.

Arxentinos Xuniors - Defensa y Xustisiya 4:1
Viveros, 5. Losano, 12. Molina, 24. Veqa, 31 – Osorio, 52.

Lanus - İndependyente 1:1
Salvio, 61-p. - Qaldames, 3.

Rosario Sentral - Veles Sarsfild 2:1
Sandes, 58. E.Ximenes, 90+1 – B.Romero, 10.

Sarmyento - River Pleyt 1:1
İnsaurralde, 4 – Borxa, 30.

San Martin San Xuan - San Lorenso 0:1
Serutti, 69.

Estudiantes - Belqrano 0:1
N.Fernandes, 41.

Qodoy Krus - İndependyente Rivadaviya 1:1
Andino, 45+1 – Vilyalba, 74.

Union - Sentral Kordoba 1:0
Qamba, 29.

Rasinq - Banfild 4:1
A.Martines, 42; 46; 55. Solari, 72 – Alanis, 90.

Deportivo Riestra – Platense 1:0
Randasso, 57.

Atletiko Tukuman - İnstituto 3:2
Koronel, 45. Brisuela, 49. Lamendola, 90+1 – Luna, 56-p.; 80.

Talyeres de Kordoba - Ximnasiya 2:0
Şott, 16. Orteqosa, 65.

A qrupu
1. Boka Xuniors 12 8 2 2 17-7 26
2. Arxentinos Xuniors 12 7 4 1 16-8 25
3. Tiqre 12 8 0 4 17-10 24
4. Atletiko Urakan 12 6 5 1 16-7 23
5. Estudiantes 12 5 4 3 17-12 19
6. Sentral Kordoba 12 5 3 4 18-14 18
7. Barrakas Sentral 12 4 5 3 16-14 17
8. İndependyente Rivadaviya 12 4 5 3 13-13 17
9. Defensa y Xustisiya 12 5 2 5 14-16 17
10. Rasinq 12 5 1 6 20-15 16
11. Nyuellz Old Boyz 12 4 2 6 9-13 14
12. Belqrano 12 3 5 4 10-18 14
13. Union 12 3 2 7 8-13 11
14. Banfild 12 3 2 7 8-14 9
15. Aldosivi 12 2 3 7 13-24 9

B qrupu
1. İndependyente 12 7 4 1 21-9 25
2. Rosario Sentral 12 7 4 1 17-8 25
3. San Lorenso 12 6 4 2 12-8 22
4. River Pleyt 12 5 6 1 11-6 21
5. Deportivo Riestra 12 4 7 1 10-4 19
6. Platense 12 4 4 4 10-9 16
7. Lanus 12 3 6 3 11-9 15
8. Talyeres de Kordoba 12 2 6 4 8-9 12
9. Ximnasiya 12 3 3 6 7-13 12
10. İnstituto 12 3 2 7 10-15 11
11. Atletiko Tukuman 12 3 1 8 14-19 10
12. Qodoy Krus (-3) 12 2 7 3 7-14 10
13. Sarmyento 12 1 7 4 8-16 10
14. Veles Sarsfild 12 2 2 8 4-17 8
15. San Martin San Xuan 12 1 3 8 4-12 6

Bombardirlər: A.Martines (Rasinq) - 8, Avalos (İndependyente), N.Fernandes (Belqrano), Vomberqar (San Lorenso) - 6.